Fyrir Gumma

Hann heimtaði blogg svo hér kemur blogg. Ég lofa samt engu varðandi framtíðina...

Gleðileg jól allir. Einhver var búinn að koma þeirri hugsun fyrir hjá mér að kannski yrðu engin jól. Í mesta falli kreppujól sem einkenndust af vatnsdrykkju og fríkeypis skemmtun. En óóónei...ég hef aldrei fengið svona mikið af gjöfum og maturinn var dásamlegur. 

Klukkan fimm mínútur í sex í gærkvöldi fór allt í einu allt rafmagnið af húsinu mínu. Ég var stödd inni í eldhúsi en allir aðrir sestir við borðstofuborðið. Þá allt í einu kom svona vúúúúm hljóð og öll ljós dóu...eina ljósið í öllu húsinu voru litlir ljósgeislar af kertum sem stóðu á matarborðinu. Mér fannst þetta fallegt og skemmtilegt og stakk upp á því að svona myndum við eyða kvöldinu. Fjölskyldan mín tók ekki vel í það, skimaði út um glugga og gættir og komst þá að því að húsið okkar var það eina sem átti við þetta rafmagnsvandamál að stríða. Það tók tíu mínútur að finna út úr vandamálinu, sem var einhverskonar slípivél sem koxaði úti í bílskúr. Á meðan sátum við í örlítlum ljósgeisla frá kerti og borðuðum humar. Mmmm...og svo kom rafmagnið og allt varð venjulegt aftur.

Eftir að hafa sprengt mig út af góðum mat og opnað alla pakkana fór ég svo að spila. Spila spila spila...og núna er ég eirðarlaus, í nýjum klæðum frá toppi til táar að reyna að tengja nýjar græjur og lesa bók og borða nammi og köku og drekka kók og mála og setja á mig eitthvað krem...og samt svo óskaplega eirðarlaus. Er að spá í að fá mér labbitúr. Og leggja mig smá. Og borða meira. Mmm...hafið það gott um jólin. 

4. aðgerð

á tá
í fyrramál

Bíddu við...

þrjár sýningar búnar

snjór
krapi
kuldi

en þó allt svo dásamlegt

leikstýrði stuttmynd síðustu helgi úti á landi
allir týndir
bíllinn fastur
maturinn búinn
fjórir bændur að reyna að losa bílinn
endaði með dráttabíl frá borganesi upp á 10.000 krónur

en þó allt svo dásamlegt

Támína er enn í fullu fjöri og lætur sterana ekkert á sig fá

lýtalæknir á næstunni

party on

Skugga-Sveinn

frumsýning gekk frábærlega
stútfullt, allir ótrúlega ánægðir og áhorfendur í skýjunum

2. sýning í gær og sama saga

dásamlegt

tásan mín er enn í hönk og móðir mín er búin að panta tíma hjá lýtalækni fyrir hana
það er fyndið

annars er fátt að frétta
skólinn er fáránlega skemmtilegur og ég er að skrifa handrit núna að myndinni minni í fullri lengd

er svo að fara að leikstýra mynd úti á landi alla helgina og bara þið vitið
eintóm gleði og hamingja
er reyndar hundlasin en það er allt í lagi, maður harkar það af sér...

fylgist með á kopleik.is og komið á sýningu, eigið ekki eftir að sjá eftir því!

Korter

átti pantaðan tíma í umbúðarskipti í gærmorgun klukkan hálf ellefu
ég gekk út klukkan tólf, alblóðug og útgrátin

jább ég ER ótrúlega töff

það kom sem sagt læknir og kíkti á mig og úrskurðaði ofholdgunina í tánni það mikla að það væri ekkert hægt að gera nema "skera burt allt hold, skrapa upp naglbeðinn og brenna svo fyrir"

eins ótrúlega spennandi og það hljómar þá spurði ég hvort hann væri að grínast
hann sagði nei
hló samt smá og sagðist deyfa mig vel svo ég ætti ekki að finna fyrir neinu

ég lagðist á gamla góða bekkinn og harkaði af mér í gegnum deyfinguna
sami skammtur og sami staður og síðast svo þetta var svo sem ekkert nýtt

hann fer og ég "hinkra" í korter, sem var álíka skemmtilegt og að bíða eftir strætó
þegar hann kemur aftur prófar hann að snerta á mér tána
beint í sárið til að athuga hvort deyfingin væri orðin fín fyrir aðgerðina
hann potaði bara svona létt og ég fann algjörlega fyrir því, deyfingin var ekkert farin að virka
þá setti hann helmingi meira af deyfingu og sagðist vera búinn að stútfylla á mér tána

aftur var ég látin "hinkra" í korter

hann kemur aftur, fullviss um að táin sé orðin algjörlega tilfinningalaus, sleppir því að pota og tekur strax upp hnífinn og sker í
ég öskra
tár á hvarma
deyfingin virkar ekki baun segi ég og finn fyrir öllu

hann segir að þetta sé rosalega skrýtið, tekur deyfisprautuna og stingur á bólakaf í sárið
ég kippist til af sársauka og hann segir mér að "hinkra"

blóðið vætlar úr sárinu og ég engist um í þetta frábæra korter

hann kemur inn í þriðja sinn, potar í sárið og ég finn fyrir öllu
hann segist ekki skilja þetta, hann geti ekki sett meiri deyfingu því það megi ekki, segir eina ráðið að bíta á jaxlinn og harka af mér

HARKA AF MÉR????

og svo hófst helvíti

hann sem sagt var með hníf á kafi í tánni á mér og ég fann fyrir öllu saman
hann skar og djöflaðist, tók svo risastórt járnáhald sem hann notar til að "skafa upp naglbeðinn" með og tróð því ofan í herlegheitin
blóð um allt og tár á hvarma
þegar ég hélt að þetta gæti ekki versnað og að lífi mínu væri lokið tók hann hnífinn og járndraslið út úr tánni og tróð risabómull með spritti ofan í

mmm kósý

hann brosti og sagði að nú væri þetta að vera búið
ég spurði hvort hann væri búinn að skera allt holdið burt og hann sagði já
samt prófaði hann svona aðeins að pota í sárið með hnífnum til að vera alveg viss
hann hætti svo og sagðist vera búinn
ég andaði léttar en tárin héldu áfram að streyma
þá bað hann hjúkkuna um lapiserdótið, hjúkkan náði í plastpoka og í honum voru svona eins og grillpinnar
grillpinnar, hugsaði ég og spurði hann hvað þetta væri
hann sagði að þetta væri notað til að brenna fyrir sárið
og síðan stakk hann grillpinnanum á bólakaf í tánna á mér svona hundrað sinnum því pinninn brennir svo lítinn part í einu

þá hélt ég í alvöru að ég myndi deyja
hann kláraði þetta sem tók svona eilífð og sagði svo að nú þyrfti sárið að fá að blæða
hann sagði mér að "hinkra" í korter
ég hélt hann væri að grínast en þá yfirgáfu hann og hjúkkan herbergið og ég lá ein eftir með Brján alblóðugan og við erum að tala um ásýnd sláturhúss þarna á tánni á mér
svona tveir lítrar af blóði takk fyrir

og jájá allt í lagi ég skal hinkra í korter lalala...

DAUÐI

síðan kom hann aftur, sprittaði þetta, pakkaði mér inn og sagði mér að koma aftur á mánudaginn í tékk

ég staulaðist út, með tár um allt og kökk í hálsinum
keyrði heim á tíu því ég gat ekki ýtt á bensíngjöfina almennilega af sársauka

kom heim, lagðist upp í sófa, hringdi og vældi í mömmu og lá þar það sem eftir leið dags
og ég bara lá
gat ekki einbeitt mér að neinu fyrir sársauka

og svo þarf ég að koma til þeirra núna annan hvern dag í allavega tvær vikur að fá sterakrem og láta skera meira ef þarf...dásamlegt

frumsýning næstu helgi þar sem ég þarf að hoppa og skoppa á himinháum skóm

en þið vitið, allir að brosa því það er kreppa og þá eiga allir að vera haaaaamingjusamir jeeei

Solla bolla og Támína...

...er barnabók sem fjallar um litla, feita stelpu í rauðum samfesting. Hún á enga vini og allir stríða henni því hún er svo feit. Eini vinur hennar er amma hennar sem hún býr hjá. Einn morguninn þegar Solla er að baða sig, gráta yfir vonsku heimsins og þurrka á sér tærnar lifnar allt í einu stóra táin við. Hún kynnir sig sem Támínu og segir Sollu að hætta að vera leið, þær skulu verða bestu vinkonur í heiminum. Síðan hefst mikið vináttusamband þeirra á milli og Solla spókar sig um bæinn með Támínu út í loftið. Þær fara saman í bíó, kaupa sér nammi og fleira í þeim dúr. Sollu verður alveg sama um stríðnina því nú á hún bestu vinkonu í heimi, stóru tána Támínu.

--

Ég kann bókina utanbókar og gæti teiknað allar myndirnar upp, svo mikið elskaði ég þessa bók sem krakki...og geri enn. Samt er þetta ömurlegur söguþráður, leiðinlegar myndir af feitum, frekum börnum og illa teiknuð stóra tá. En Solla er bara svo agalega krúttleg þrátt fyrir allt og Támína slær öll met.

Ekki laust við að maður geti samsvarað sig þeim stöllum eins og ástandið er á mér núna. Sambandi mínu við mína stóru tá er þó engan veginn hægt að líkja við samband Sollu og Támínu. Ég hata ljótu tána mína sem ég hef hér með skírt Brján. Brjánn er búinn að gera mér lífið leitt í næstum því þrjár vikur núna og er hann nú skæðari en nokkru sinni fyrr. Hann gerir allt til að kvelja mig eins mikið og hann getur, ælir út úr sér marglitum vökva og fjölgar sér eins og honum væri borgað fyrir það. Hann hefur aldrei farið með mér í bíó eða að kaupa nammi eða neitt slíkt. Reyndar á ég ekki við félagsleg vandamál að stríða en HEY! ég væri alveg til í aðeins betra samband við Brján. Ef ég gæti hent honum í ruslið væri ég búin að því. En það er ekki hægt. Ég er búin að fara níu sinnum til læknis vegna hans og þarf að koma á tveggja daga fresti næstu vikurnar. Og í hvert skipti sem ég mæti léttist buddan (eða vasinn þar sem ég á enga buddu..) allverulega þar sem hver heimsókn kostar mig 1000 krónur. Fyrir þessar 1000 krónur fæ ég eitt stykki ,,Góðan daginn, hvernig hefurðu það í dag?", einn ljótan plástur, einn ljótan teygjustrokk, tvær ræmur af plástri og eitt stykki ,,Þá er þetta komið, við sjáumst eftir tvo daga".

Já...svo Gummi, þetta með Sollu bollu og Támínu var alveg rétt hjá þér. Við eigum sumt sameiginlegt. Og annað ekki...

Ástandið

er ekki gott

fór til læknis í morgun
sjötta skiptið
á tveimur vikum

hann er ráðalaus, segist aldrei hafa séð svona áður, fékk álit annarra lækna sem stóðu bara og góndu, tóku um hökuna og sögðu hummm

hann talaði um svæsna sýkingu, ofholdgun, frumumyndun, naglbeð og fleira sem einkennir fyrrum heimili Jórunnar einmitt þessa stundina

staðan er nefnilega sú að sýkingin er komin aftur upp og nú hefur myndast risastór aukakjötbiti á tánni minni

þetta hljómar einstaklega vel og lítur enn betur út, trúið mér...
þetta er það viðbjóðslegasta sem ég hef séð, lítur út eins og það sé að fæðast lítið kjötfars í stað tánaglar

og enginn veit neitt

fékk stera í morgun, á að koma eftir tvo daga, fara á sýklalyf og jafnvel uppskurðir og vesen

ég er búin að borga yfir 10.000 kall í þetta vesen...ef ekki 20.000...konurnar í afgreiðslunni muna nafnið mitt og ég og hjúkkan erum orðnar hættulega góðar vinkonur

þetta væri svo sem allt í lagi ef ekki væri fyrir það eitt að ég er að frumsýna þarnæstu helgi og þarf að fera á himinháum hælum í nokkrum senum
auk þess sem ég get ekki sleppt úr skólanum
né æfingum
þannig ég hvíli tána ekki neitt og hún fær ekki tækifæri til að jafna sig

svo er allt þetta rugl sem er í gangi í þjóðfélaginu alveg endanlega að fara með geðheilsuna mína
mig langar helst að draga fyrir gluggana, skríða undir feld og gráta

ég borðaði serjós í kvöldmat og drakk vatn

saklaus sál í samfélagslegri og tilfinningalegri kreppu

Minning

Mig langar til að minnast einnar nánustu vinkonu minnar, Jórunnar, í örfáum orðum.

Við Jórunn kynntumst strax og ég kom í þennan heim og því hefur hún fylgt mér síðustu nítján árin. Hún hefur staðið með mér í gegnum súrt og sætt og aldrei kvartað. Ekki nokkru sinni. Ég minnist þess þegar við lékum okkur í grasinu á sumrin, þyrluðum upp laufunum á haustin, sprikkluðum í snjónum á veturna og létum tært loftið leika um okkur á vorin. Það voru góðir tímar.
Fyrir þremur vikum síðan veiktist Jórunn skyndilega. Á einum degi hrakaði henni svakalega og um kvöldmatarleyti leitaði hún læknis. Skelfileg sýking hafði þá herjað á hana og hennar nánasta umhverfi. Læknirinn gat lítið gert, en lét hana fá töflur til að koma í veg fyrir að sýkingin héldi áfram. Töflurnar gerðu lítið gagn og eftir viku var heilsan orðin það slæm að hún leitaði aftur læknis. Úrskurður læknis var sá að strax eftir helgi yrði að rista Jórunni á hol, tæta hana í sundur og myrða með köldu blóði til að bæla niður þessa skelfilegu sýkingu. Og það var og.

Mánudaginn 30. september kl. 8.35 yfirgaf Jórunn þessa jörð og þar með talið mig, æskuvinkonu sína. Ég sakna hennar sárt og hugsa til hennar og samverustundanna okkar á hverjum degi. Í myrkrinu er lítið ljós sem leiðir mig áfram, lítið ljós sem táknar það líf sem nú sprettur fram í stað þíns. Lítil Jórunn vex nú og dafnar og mun, þegar fram líða stundir, koma í þinn stað.

Jórunn, elsku tánögl sem svo lengi hvíldir á stóru tá, megir þú hvíla í friði í rusladalli læknisins.

...

Þetta er ekki brandari

fyrir svona einum og hálfum mánuði síðan datt ég í stiga og sneri á mér ökklann
ég var á hækjum í tvær vikur
og er enn ekki orðin fullkomlega fær um að nota hann
ennþá bólgin og fæ þreytuverki í hann

fyrir tíu dögum síðan vaknaði ég með verk í tánni
hann ágerðist svo ég fór til læknis
sýking af verstu gerð, tvöfaldur sýklalyfjaskammtur og mikill verkur
sami fótur og ökklameiðslin

fyrir þremur dögum síðan fer ég til læknis út af tánni
sýklalyfin virka ekki neitt
það þarf að fjarlægja tánöglina á mánudaginn
deyfing, skurður, umbúðir og hvíld í allavega tvær vikur

fyrir einum klukkutíma síðan geng ég útúr LK og í bílinn minn
er að setjast inn í bíl, tek utan um dyrakarminn með vinstri hendi til að styðja mig og sting þumalfingri inn í hurðina
hurðin er biluð svo til þess að hún lokist þarf að skella mjög fast
skelli hurðinni með hægri hönd
þumalfingurinn verður á milli
trúlegast það sársaukafyllsta sem ég hef upplifað
sambærilegt við ökklann og tánna
hleyp inn og kæli puttann
hann er tvöfaldur núna
og fjólublár

ef einhver þykist eiga bágt þarna úti þá má sá hinn sami endilega koma í heimsókn og ræða málin
ég toppa allt og alla

og þetta eru bara meiðslin...

allir nemendur skólans fengu helmings afslátt af RIFF-passa
nemendalisti sendur í IÐU með nöfnum allra
ég fer í IÐU
mitt nafn ekki á listanum
það gleymdist eitt nafn...og það var mitt nafn

nammivélin upp í skóla er sérstaklega á móti mér
gamaldags vél þar sem nammið er í svona litlum hólfum, maður velur sér hólf, opnar það og fær sér nammi
ég er búin að tapa 600 krónum
og fá nammi fyrir 200 krónur
í 6 skipti af 8 hef ég opnað tóman glugga

nú var mér skipað að fara heim til mín, leggjast undir sæng og varast alla hluti sem hugsanlega gætu skaðað mig á einhvern hátt

ég geng inn, fer úr skónum og rota mig á hurð

Skrif

ég er að skrifa handrit
handrit að kvikmynd
kvikmynd í fullri lengd

fyrir tveimur dögum síðan hefði það ekki hvarflað að mér

hvað þá fyrir tveimur mánuðum

en þetta gengur vel

---

fékk vél og dót lánað yfir helgina frá skólanum
Sú rauðhærða og Risinn mun því verða að veruleika um helgina
ætla að græja allt sem til þarf á morgun og svo eru tökur á sunnudag

jibbí

---

keypti passa á RIFF í dag
það er dásamlegt
og það góða er að ég get legið í bíó alla helgina þar sem ég hef fátt betra að gera
ætlaði að mæta núna hálf sex og vera til hálf tvö í nótt í myrkvuðum sal en ætla frekar að leggja mig og mæta sjö
á morgun ætla ég svo að byrja hálf fjögur að degi og stefni á að vera til hálf þrjú um nóttina...ekki amalegt að sitja í bíóhúsi í 11 tíma

rok og rigning, auraleysi, vonleysi, eymd og almennur septemberfílingur gerir mér kleift að kúra við skrif, bíó og tökur alla helgina

ef einhvern langar í bíó með mér þá má hann láta mig vita, ég get samt ekki borgað fyrir ykkur, en ég skal vera skemmtileg og leyfa ykkur að velja sæti

Vagúm

pakkning

Vagúmpakkning

...

ég er hætt að væla yfir vonsku heimsins
samt gæti ég vælt alveg haug núna
en ég ætla ekki að gera það

oh happy day...

hvaða fífli datt í hug að setja heimsendi á hold?
ég var farin að hlakka til að horfa á líkama minn klofna niður í eindir og splundrast í svarthol ásamt restinni af heimsbyggðinni

en þetta var svo sem alveg vitað...þannig lagað...

ég er á tvöföldum pensilínskammti og væli ekki baun
þessi tvöfaldi skammtur veldur tvöföldum aukaverkunum sem lýsa sér í óeðlilegri hegðun og mikilli sýru
í raun eins og neitandinn sjálfur sé á sýru
sýra í sjö sólahringa
það er ekki amalegt

þetta lýsir sér einna helst í einbeitingarleysi, lystarleysi og mjög áhrifaríkum draumum sem enda oftast þannig að neitandinn vaknar upp og gerir einhverja tóma steypu, eins og til dæmis að reyna að rústa símanum sínum, losa kranann frá vaskinum og opna útidyrahurðina að utan með því að troða hendinni í gegnum bréfalúguna

já kæru lesendur ég er í ruglinu
og það að læknisráði

Not found

Ég er á kafi.

Kvikmyndaskólinn gengur vel, afskaplega vel og þvílík hamingja og gleði. Tekur hellings tíma og hellings orku svo í raun væri alveg nóg að einbeita sér bara alveg að honum. En nei...

MH gengur hinsvegar ekki neitt...og ég er í alveg 15 einingum góðan daginn og ekkert farin að kíkja á neitt...og alveg mánuður búinn af þeim skóla. Komin eftir á í öllum áföngum. Stuð.

Tónlistarskólinn gengur fínt. Er víst komin í þrjár hljómsveitir þar, sem er pínu fyndið og líkt mér þar sem ég hef engan veginn tíma fyrir það. Er á æfingum klukkan sjö á morgnana því það er eini tíminn sem ég hef lausan.

Skuggi gengur vel, frumsýning eftir þrjár vikur og allt að gerast þar, æfingar öll kvöld og allar helgar.

Og svo er auðvitað allt hitt sem herjar á mig...úffpúff ég ætla að reyna að læra eitthvað og fara í tíma í kvöld. Íbúðin á rúst og bíllinn líka. Lalala...

Komin heim

uu já þetta er sem sagt færsla sem birtist aldrei en átti að birtast fyrir viku ..


já ég er loksins komin heim eftir vikudvöl á Costa del sol

loksins segi ég...



já flugfélagið okkar fór á hausinn nokkrum tímum fyrir brottförina svo við sátum föst á Costa del Sol þar til vél frá Íslandi kom og bjargaði okkur



húrra fyrir heiminum



það var samt alveg pínu fyndið að vera fastur í útlöndum, hálfberrassaður á sólbekk og ekki einu sinni með hótel til að gista á lengur



en þetta var bara gaman, enda voru þetta ekki nema hvað...14 tímar? Tjah, hver hefur ekki lent í því..



það gerðist mjög margt í þessari ferð sem ég nenni ekki að skrifa mikið um svo ég geri bara svona punkta fyrir þá sem hafa áhuga á að lesa um ekki svo einmana Íslending á sólarströnd...



-Byrjaði á veseni í Leifsstöð því einhverra hluta vegna hét ég Guðný á flugmiðanum mínum en ekki Guðrún

-Við vorum sex en mér leið meira eins og við værum hundrað...já það er alltaf fyndið að ferðast með fjölskyldunni, taka "sameiginlegar ákvarðanir" og fleira í þeim dúr...

-Ég gleymdi að pissa fyrir flugið og eins og alheimur ætti að vita þá pissa ég ekki í flugvélum svo ég var í spreng í fimm tíma (já fimm því það var eitt klósett í lagi í fríhöfninni úti..)

-Spænsk flugfreyja að lesa íslensku af blaði...ekki alveg að gera sig, en mjög fyndið!

-Ég, Hilmar og Hulda sungum, dönsuðum, spiluðum og skemmtum okkur alla leiðina, fólkinu í kringum okkur til mikillar gleði

-Rafmagnið í hári móður minnar gerði það að verkum að ég grét af hlátri í fjörutíu mínútur...það var gaman

-Hótelið okkar var mega, en einn galli: vorum á sjöundu hæð og pínulítið glerhandrið á svölunum...hélt ég myndi fá taugaáfall

-Sól sól sól, sólbað, göngutúrar, smábátahöfnin, ströndin, kínabúðin, MOLLIÐ, strandbarirnir...

-Og halló halló ég var alveg á leiðnni til Afríku á laugardeginum en þar sem fararstjórinn okkar var fimm ára í hugsun þá klúðraði hann því og við sátum sveitt í klukkutíma um miðja nótt einhversstaðar úti í rassgati að bíða eftir rútu sem svo aldrei kom

-BÖMMER

-Sólbað, strönd og meiri labb

-Vatnsrennibrautagarður á sunnudeginum til að bæta fyrir Afríkuferðarruglið...

-Svakalegur garður og ég dó næstum því þegar ég henti mér inní næst stærstu rennibrautina sem var svona eins og risavaxið klósettrör...og ég gleymdi að anda að mér áður en ég skaust niður í það svo ég andaði beisikklí ekki neitt í mínútu

-STUÐ

-Svoo bara þið vitið fékk ég ofnæmi fyrir einhverju fyrsta daginn en fékk ofnæmislyf sem björguðu mér í tvo daga, eða þangað til ég vaknaði með bótox í augnlokunum...og enginn veit af hverju. Fékk líka sjö skordýrabit sem er met. Vúhú.



og síðan fór flugfélagið á hausinn, allt í steik og við bara berrössuð á sólbekk á meðan



vaknaði síðan í morgun í grenjandi rigningu eftir nánast engan svefn og fór í skólana mína tvo, bankann, lín og er á leiðinni á leikskólann núna



það held ég nú



en þetta var mega ferð og ég tækla hnakkana klárlega í taninu

Í heiminum

Rosaleg helgi

lokasýning á Eyjunni í kvöld, troðfull sýning og alveg dúndurgóð
mjög skrýtið að þetta sé búið, maður er búinn að veltast um landið og knúsast með liðinu í allt sumar og svo allt í einu er bara bæbæ á allt saman

en það er svona...

hef voðalega lítið að segja annað en það að ég tek hér með vikupásu í þessu rugli

adios!

Titill

hefði aldrei trúað því að ég gæti skemmt mér jafn vel í skóla
þetta er ótrúlegt
allt sem ég vil og meira til
jei

fyrstu tökur á morgun, svo er ég auðvitað úti alla næstu viku svo ég missi af þeirri viku í kennslu á stuttmyndinni minni...kem svo heim og fer beint í tökur á henni og eftirvinnslu og svo frumsýning 15.!

svo eru auðvitað sýningar á Eyjunni um helgina fyrir þá sem ekki enn hafa komið, laugardag kl 18 í Hellisgerði Hfj og sunnudag kl 20 á sama stað.

svo er ég með fréttir..........

að öllum líkindum er ég að fara að vera fátækast EN hamingjusamasti námsmaður í heimi...jább er örugglega að fara að leigja ásamt aðal-krúinu
verðum fjögur í krúttaralegri íbúð með kött og allt saman, svo ætlum við Rósa að sjálfsögðu að fara að punga út krökkum alveg villt og galið til að fylla húsið

kommúna með ketti og krökkum...gerist varla betra

flytjum inn 1. nóvember svo nú er bara spara spara spara

við eigum samt enn eftir að finna réttu íbúðina svo ef einhver á íbúð með 3 svefnherbergjum á lausu þá erum við til!

en jæja...nú þarf ég að fara að halda áfram að undirbúa stuttmyndina mína
sjúbbídei

Babb í bátnum

kaffihús með Rósu, skólasetning og verslunarleiðangur með Rósu yfirstaðið...



og VÁ mér líst vel á skólann, ekkert mál að fá frí í viku fyrir Costa del Sol ferðina mína svo ekkert nema hamingja á dagskránni



fer út 1. sept svo það styttist í þetta, á mánudaginn verð ég að sleikja sólina og vappa um í Afríku á miðvikudeginum...sjiiiiit ég er spennt



var ekkert að reikna með að ég gæti fengið frí svo nú þarf ég að fara að huga að því að kaupa það sem ég á eftir að kaupa og redda öllu fyrir ferðina



annars er lítið að frétta, fékk stundatöflu áðan og er í skólanum frá 9-4 alla daga.



heimsótti liðið í MH áður en ég fór á skólasetninguna í kvikó og skráði mig í öldungadeild MH þar sem ég ætla að taka 15 einingar með hinu...fjúff svolítið mikill pakki þar sem ég verð líka á fullu í tónlistarskólanum, Skugga-Sveini í LK og væntanlega líka eitthvað að LH-ast...eeeeeeen ég er eins og ég er og breytist voðalega lítið



ætla að koma mér upp að sauma buxur

Byrjun

Ég byrja í skólanum á morgun. Finnst ótrúlega skrýtið að vera aftur að byrja í nýjum skóla, svo stutt síðan ég byrjaði í MH einhvernveginn...

Ég er búin að henda hækjunum. Tók ákvörðun á laugardagsmorgun að ég nennti þessu ekki lengur, tróð fætinum á mér í skó og haltraði minn veg. Seinni partinn var ég farin að ganga nokkuð eðlilega svo ég ákvað að rífa af mér umbúðirnar og skella mér á hælaskó svona í tilefni kvöldsins. Það gekk mjög illa í fyrstu því ég var alltaf að misstíga mig á hælunum og það var viðbjóðslega vont þar sem bólgan er engan veginn farin og ég er enn að drepast í ökklanum. En svo var ég heví hipp og kúl og var farin að ganga eins og dama þegar leið á kvöldið. Ég var mest hissa á því hversu góð ég var þegar ég vaknaði í morgun, bólgan reyndar aðeins meiri en í gær en verkurinn bara svipaður. Og þetta tókst mér, pff að hvíla fótinn í tvær vikur er kjaftæði. Já KJAFTÆÐI. Eða kannski ekki alveg...meira bara svona óþolinmæði í mér.

Ég horfði ekki á leikinn í morgun. Ekki. Pú á ykkur sem rifuð ykkur fram úr eldsnemma til þess að horfa á strákana ykkar tapa. Ég svaf og ég svaf vel. Allir ótrúlega hamingjusamir með árangurinn. Ég er ekki sátt. Þeir töpuðu leiknum, svo einfalt er það. Svo er ég líka pínu pirruð því þá verður engin mega "þjóðhátíð" heldur bara meira svona allir að reyna að sætta sig við silfrið og vera ótrúlega kvetjandi.

Æ vá nú hljóma ég eins og ég sé ótrúlega neikvæð...bara plat! Ég er alveg búin að flagga og fagna stanslaust síðan ég vaknaði klukkan 05.10 í morgun til að hita mig upp fyrir áhorfið. Keypti mér treyju og setti í mig tígó með fánaborðum og borðaði svo íslenskan morgunmat og talaði íslensku því ég er svo stolt af sjálfri mér. Og strákunum mínum.

oj.

Ég er viðbjóðslega þreytt og ætla að leggja mig og safna kröftum fyrir morgundaginn. Vúbbídeió

Endir

einn lítill skreið í fangið mitt í morgun og spurði hvers vegna allir þyrftu alltaf að vera að fara. Ég reyndi að útskýra fyrir honum að til þess að maður gæti byrjað á einhverju nýju yrði maður að hætta einhverju gömlu. Þá setti hann upp skeifu og sagði að honum fyndist það leiðinlegt. Síðan grét hann smá og knúsaði mig, neitaði að sleppa mér og spurði af hverju ég væri að fara að hætta. Ég sagðist vera að byrja í skólanum á mánudaginn. Hann spurði hvort ég væri að byrja í sama skóla og ein fimm ára vinkona hans. Ég sagðist vera búin með svoleiðis skóla og núna væri ég að fara í öðruvísi skóla, skóla þar sem ég myndi læra að búa til bíómyndir. Þá glaðnaði allt í einu yfir honum, augun tindruðu og hann spurði hvort ég ætlaði að búa til barnamynd, svona eins og Jack Sparrow. Ég brosti, þurrkaði tárin af andlitinu, faðmaði hann að mér og sagðist skyldi búa til fullt af barnamyndum. Þá brosti hann og kúrði sig upp að mér.

Já, það var alveg átakanlegt að hætta í vinnunni. Furðulegt hvað maður getur tengst annarra manna börnum ótrúlega mikið og fundist þau vera partur af manni sjálfum. En svona er þetta víst, maður verður að hætta einu til að geta byrjað á öðru eins og ég sagði víst sjálf...

Það var pítsupartý á meðan á handboltaleiknum stóð. Reyndar voru börnin aðeins að misskilja og héldu að þau væru að horfa á fótboltaleik með Barcelona og gerðu ekki annað en að hrópa "aukaspyrna" "áfram Ronaldo" og fleira í þeim dúr á meðan þau slöfruðu í sig pítsunum.

Hópknús, einstaklingsknús og loforð um að koma oft í heimsókn. Síðan haltraði ég út í rigninguna með kramið hjarta.

Fatlafól

í hjólastól...

jæja lífið heldur áfram, þrátt fyrir að hafa tekið óvenju margar óvæntar stefnur uppá síðkastið.

æfingar í LK eru byrjaðar á fullu, eða svona eins mikið fullu og hægt er á annarri...

er að fara að tala við MH á morgun og reyna að fá að vera í fjarnámi þar

LÍN bíða líka á morgun og ég sæki um fyrsta lánið mitt, jibbí!

svo mun ég ganga útúr vinnunni á föstudaginn sem verður mjög skrýtið. Búin að vinna á leikskólanum í ár og hef aldrei verið jafn inngróin á einhvern vinnustað eins og ég er núna, á örugglega eftir að gráta vegna allra vinanna sem ég er búin að eignast (þá er ég að sjálfsögðu að tala um börnin) en það verður bara að hafa það.

svo eru æfingar alla daga og allar helgar, sýning á föstudag, menningarnótt á laugardag, sýning á sunnudag og svo bara skólasetning á mánudag!

allt að skella á og ég á helvítis hækjunum...

en það verður bara að hafa það, lífið er ljúft og get ekki kvartað :)

Komin inn!

tvö ár á klakanum
og heimsókn í LÍN á morgun
skólasetning á mánudag

íha

aðeins of KLÁR

já hæ
hæ
hæææææææææææækjur

jább ég er á hækjum
og það versta eða besta er að ég sótti þær barasta inní skáp...ég er nefnilega pínu flækjufótur svona við og við

töööööööööff

mjög slæm tognun og ég má ekki gera neitt næstu tvær vikurnar, m.a. ekki lyfta þungum hlutum, og þ.á.m. börnum (eins og stóð á læknisvottorðinu sem læknirinn gaf mér og orsakaði hláturskast innan um blæðandi fólk...) .

þannig engin sýning í kvöld og leiktörn hjá LK að hefjast á morgun fokksjittfokk

ég ætla bara að hoppa fram af bjargi núna ókei

ég er svo KLÁR

það jafnast fátt á við flensu og fótbrot

já kæru landsmenn ég sneri mig herfilega í gær og er á leiðinni uppá slysó

sýning í kvöld og allt að gerast

eða þið vitið...fer eftir því hvort ég verði á hækjum eða ekki

töfftöfftöff

Breytt plan

vá ég er búin að breyta öllu og snúa heiminum á hvolf enn á ný

kemur í ljós í næstu viku hvort ég komist í það sem ég er að reyna að koma mér inn í

ef svo er, þá er ég að fara að vera á klakanum næstu tvö árin

vúbbídei

Syg syg syg syg sigurðardóttir.....

ó hverjum datt í hug að hósta framan í mig án þess að ég tæki eftir því?
vill sá hinn sami vinsamlegast gefa sig fram STRAX
ég mun húðfletta hann/hana/það

ég er veik
viðbjóðslega veik og smeik við framhaldið

sýning á morgun
reunion og sýning hinn
sýning hinn
vinna og æfing hinn
vinna og æfing hinn
vinna og æfing hinn
osfr.

Ösp með hósta verður skemmtilega skrýtið og ég tala nú ekki um rjóðar kinnar og svita sökum hás hita í hvirflinum.

Það er ótrúlega skrýtið að vera heima í heilan dag og þurfa ekki að gera neitt. Ekki eitt. Ég var að ganga af göflunum á tímabili og var farin að borða banana eins og mér væri borgað fyrir það þegar eirðarleysið stóð sem hæst. Átta bananar á einu bretti eru ekkert grín.

Eða þið vitið...þrír.

Þrátt fyrir háan hita, hor og hóstaköst (já ég er ótrúlega aðlaðandi akkúrat núna) þá hefur mér tekist að afraka ýmislegt í dag:

-horfði á Bridget Jones 1&2 (sem orsakaði gríðarlega löngun til þess að hefja dagbókarskrif um mitt tvöfalda líf)
-horfði á Science of Sleep (sem orsakaði gríðarlega löngun í ferðalag til Mexíkó...eða meira svona bara ferðalag til Gaels...)
-skrifaði svona fimm sögur
-endurraðaði sjónvörpunum þremur í íbúðinni minni

auk þess hef ég innbyrt sem nemur:
-2 lítrum af ísköldu kókakóla
-2 ofristuðum brauðsneiðum
-1 "glommusamloku" a la mamma
-3 banana
-hálfan kleinupoka
-hálfan hlauppoka
-hálfan popppoka
-hálfan hálsbrjóstsykurspoka

og á leiðinni er sjóðheitur serrano bátur + kók og bland í poka. Mmmm já lífið er ljúft...

Annars er ég að sjálfsögðu hætt öllu sukki og svínaríi, löngu búin að kveðja kók, djús og bús, bland í poka og hvað þetta nú heitir allt saman sem hrjáir ungu kynslóðina nú til dags.

Ég ætla að hætta að blogga sem ég sjálf og fara að tala út frá hinni persónunni minni henni Ösp. Ég var nefnilega að komast að því að ég er geðklofi. Ofan á allt saman...skjaldkirtilinn, athyglisbrestinn, heyrnaleysið, blinduna og allt hið ímyndaða sem hrjáir mig dagsdaglega.

---

rooooooooooooooooooooooooop

Í fréttum er þetta helst

- ÞREYTA

...

úffff klósettið í íbúðinni minni er bilað. ég hafði ekki hugmynd um það en þegar ég kom heim var búið að skrúfa það allt í sundur...ótrúlega spennandi.

Ég er að fara að borga staðfestingagjaldið fyrir skólanum í lok vikunnar. Er samt voðalega ringluð í þessu ennþá en ef allt fer að óskum er ég að fara út til Massachusetts í lok janúar og kem heim í byrjun maí. Ójá.

Skólinn byrjar í næstu viku. Síðasta önnin. Ég er ekki alveg að trúa því að ég sé að útskrifast sem stúdent um jólin...er ekki búin að læra baun. En það er bara töff...

Bandalagsskóla reunion á laugardaginn fyrir þá sem þekkja til og ef þið viljið upplýsingar um það þá bara talið við mig.

Annars er ég bara mega þreytt eftir þvílíka törn í leikhúsinu með Sýnum og við tekur leikhústörn með LK en það er stefnt á frumsýningu um miðjan september. Og aulinn ég er að fara út fyrstu vikuna í sept...fuck.

en já...

a

Allt mitt líf...

síðustu daga hefur einkennst af leikhússprelli með meiru.

Akureyri um versló: frumsýning á Eyjunni, hjúts íbúð með "fínni koju" og öllu til alls. Rotaðist á ljósastaur á frumsýningunni, fékk mar í fimm mínútur en annars bara kjálkaeymsli og kúlheit. Fékk mér köngulóartattú á skemmtilegan stað. Týndist í frumskógi og var næstum étin af ísbirni. Steig næstum á býflugnabú. Engar fokking vespur í skóginum dammdaramm. Hjálmatónleikar, brekkusöngur, pisserí og djúsdrykkja. Gott veður og kalt veður og peningar og kort.

Segi betur frá þessu seinna........

var að koma heim
ég var að spúa eldi
með lampaolíu
það er víst stórhættulegt og nú finnst mér ég vera að brenna að innan


2. sýning á Eyjunni var í kvöld og gekk megaofursúpervel

eeeeen á morgun held ég til Dalvíkur að sýna á laugardag á Fiskieginum og vera með götuleikhús

nóg að gera
túrílú

Já hæ

er lifandi
hef ekki tíma til að skrifa
geri það á eftir
ókeibæ

Skóli

Massachusetts

það tók mig svona korter að skrifa þetta rétt

en já skólinn er s.s í Massachusetts (copy paste) og ég er að öllum líkindum að fara í febrúar

þeir buðu mér samt að koma í september
but no can do

er búin að lofa mér í alltof mörg verkefni

ætla samt að halda því leyndu vhaða skóli þetta er þar til ég er búin að fá eitt stórt JÁ ÞÚ ERT KOMIN INN..

---

en hey

general á Eyjunni á morgun

frumsýning á Akureyri á laugardag

þetta er allt að skella á

fokksjittfokk

Hamingja

ég var að fá svar frá leiklistarskóla úti

þau elska mig

og bráðum kemur í ljós hvort þau elska mig nógu mikið til að leyfa mér að koma

þetta er allt það sem mig dreymir um og meira en það

jíha

..

allt rugl afstaðið og búið að leysa úr ofvaxna vandamálinu
eða svona semí
það er allavega ekki að valda svefnleysi og taugaveiklun hjá minni

þá er það bara litla vandamálið og svo tekur gleðin við

ég er að lesa mér til um taóisma
ef ég gæti sett sjálfa mig í einhvern hóp tengdum trúarbrögðum myndi ég sennilega vera undir taóismanum
mæli með því að þið lesið um þetta

og ég er búin að taka ákvörðun
alltaf að taka ákvarðanir

ég ætla að gefa skít í allt og alla og gera það sem ég vil. punktur. eða...kannski meira svona ekki láta álit annarra skemma fyrir mér og hafa það mikil áhrif á mig að ég fokki öllu upp.

gleði gleði og hamingjan drýpur af trjánum.

nú ætla ég að fara að sofa og vakna fersk í fyrramálið

já

Þreyta

Ég er nánast ekkert búin að sofa síðan á föstudaginn.
Hinsvegar er ég búin að gera flest annað síðan þá og heimurinn er á haus akkúrat núna.
Og það er mér að kenna. Engum öðrum nema sjálfri mér að kenna.

Skrýtið hvernig allt getur verið frábært aðra mínútuna og svo gjörsamlega ónýtt þá næstu
útaf einhverju algjöru rugli sem maður hefur sjálfur komið sér í

Og vandamálin...
Maður er alltaf með einhver vandamál hversu lítil sem þau eru

Svo tekur maður þátt í einhverju rugli og allt í einu er maður með risavaxið vandamál á herðunum sem maður kann ekki að takast á við
Þegar maður er loksins búinn að finna leiðina til þess að redda málunum þá kemur upp annað vandamál,
svo stórt að fyrra vandamálið er allt í einu einskis virði
Maður hefur ekki hugmynd um hvernig maður eigi að takast á við heiminn og þó maður geri tilraun til þess þá misheppnast hún
eða það er ekki hlustað á mann


þetta hljómar eins og það sé allt að verða vitlaust hjá mér núna
málið er bara að þannig er það

---

Sjúkdómur

ég er með sjúkdóm

dæmd til að vera sjúk

bara orðið hræðir mig

ég vona að ég sé með sjúkdóminn sem ég held að ég sé með en ef ekki þá er það eitthvað annað því ég er ekki alveg í eðlilegu ástandi

málið er bara það að ég þori ekki í blóðprufu til að láta athuga þetta
því ég höndla ekki blóð
og ekki nálar heldur
né lækna
og hvað þá þegar læknir er að pumpa blóði útúr mér með feitri nál

þannig ég er bara sjúk og veit af því en geri ekkert í málinu

bráðum poppa augun útúr hausnum á mér og ég verð eins og þessar konur
eða þú veist...

en þetta eru samt actually myndir af þessu

skal skella inn nokkrum góðum af augunum á mér við tæki, bíðið spennt!

Saga dagsins

Tekið af mbl.is, mest lesnu fréttirnar:


Allsnakinn á Esjunni í 600 metra hæð
Maðurinn enn ófundinn
Réðist á konu og börn hennar
Hrefna barðist fyrir lífi sínu við hóp háhyrninga
Allt fór á versta veg

Vá ég las bara eina samfellda frásögn úr öllum þessum fyrirsögnum...

Allsnakti maðurinn á Esjunni er enn ófundinn. Réðist á konu og börn hennar. Hrefna (konan) barðist fyrir lífi sínu við hóp háhyrninga. Allt fór á versta veg.

---

töff

Dreymandinn

„Mikill titringur í dag"
er fyrirsögnin á frétt á mbl.is um skjálftahrinu í Grímsey. Ég held það bendi til eldgoss.

OG HVAÐ DREYMDI MIG???

vá...ef ég gæti fengið peninga fyrir svona lagað þá gæti ég actually keypt mér að borða kannski

án djóks, ég hef aldrei á minni löngu ströngu ævi verið svona fjári fátæk
samt held ég áfram að vera menningarleg, kaupa ljóðabækur, stunda kaffihús og fara á tónleika
reyndar er ég í klíkunni þannig ég borga ekki neitt
en hey þú veist
buddan er gjörsamlega tóm og kortið útbrunnið

en ég er hamingjusöm, mjög hamingjusöm, og það er fyrir öllu

og ég er líka í ruglinu sem er ótrúlega fyndið og ég hló að sjálfri mér í svona hálftíma áðan
það var mjög fyndið

hamingjudagar í hausnum á mér
má bjóða þér
að vera með??

---

frumsýning eftir tæpar tvær vikur..bráðum eftir viku...fokksjittfokk...það verður mega
og svo er auðvitað viðburður aldarinnar á næsta leyti og samningaviðræður í hámarki
sat einmitt í fimm tíma núna síðla kvölds
þrjú orð komu út úr því samtali
þrjú orð á fimm tímum
það kalla ég ansi gott

ókei vá ég er alveg í tómu tjóni hérna af eigin hamingju og heimsku, eða kannski bara mjög svakalega súrum svefngalsa..valsa..

vá

það fyndasta í heimi er að kúka uppá bak
þá meina ég ekki bókstaflega
heldur bara rugla svo gjörsamlega upp í öllu og öllum að maður verður eins og algjör hálfviti
allavega svona eftir á
og ég er alveg að hlægja núna
váááá

hér með er ég hætt að drekka kók
og ég er hætt að borða nammi
og allt sem er gott

enda á ég enga aura svo ég er að hugsa um að gerast klósettpappírsæta í nokkra daga
svo á ég líka ansi góða og næringarríka tréliti

váá ekki taka mark á þessu
ég er í ruglinu
ruuuuuuuuuuglinu
og ég hló
upphátt
ein
alein
vei

...

Mig dreymdi að ég væri að berjast fyrir lífi mínu. Viðbjóðslegar rana-mannætur voru að reyna að éta mig í einhverju hrauni, en þangað hafði ég flúið úr brúðkaupsveislu eftir að móðir mín var búin að halda ræðu þar sem hún stakk öðrum fæti sínum ofan í súpudiskinn. Brúðkaupið var s.s. á Suðurlandi og það var farið að gjósa þarna úr einhverjum hólfum í hrauninu. Og ég hljóp út og ætlaði að ganga heim en þá var þetta ekki gos heldur einhverskonar mannætur. Og þær fundu einhverjar súkkulaðikúlur í hrauninu sem ég gaf þeim. Mjög súr draumur en ég var allveg drulluhrædd þegar ég vaknaði.

Ég held að þetta tengist þeirri staðreynd að ég borgaði 30.000 kall í bílaviðgerðir í gær. Jebb...og ég er drullublönk og átti ekki heimild fyrir síðustu greiðslunni í gær. Og við erum alveg að tala um að það á ennþá eftir að laga heilan haug og skoða bílinn líka þannig að ég reikna með öðrum 30.000 kalli í dag....

og ég fæ í mesta lagi svona 5.000 kall útborgað næstu mánaðarmót því ég er búin að vera í þriggja vikna sumarfríi.

jebb ég er í djúpum skít, spurning hvort hasarinn í draumnum hefði verið skárri..?

----------------

takið 16. ágúst frá kæru vinir. ég þarf á aðstoð ykkar að halda þann dag.

Eins dauði er annars brauð

Þið sem lásuð færsluna hér á undan vissuð af því að ég ætlaði að fara í bílamál í dag, morgun og hinn.

Í gær gaf bíllinn minn upp öndina. Hann er algjörlega óhreyfanlegur og gefur frá sér mjög furðuleg hljóð sem helst líkjast mjög svo píndu dýri. Ég trúi þessu ekki. Og ég sem ætlaði með hann á spítala í dag!

Ég legg til einnar mínútu þagnar.

----

Hvernig í fjandanum á ég að koma bílnum á verkstæði??? Það er ekki einu sinni hægt að beygja stýrið!

Þetta á eftir að kosta mig milljón

Allt að gerast

úff
ég eyðilagði backspace takkann á tölvunni minni

---

var að koma heim úr æfingabúðum með leikfélaginu Sýni. Gekk mega vel, í besta veðri sem hugsast getur og með frábæru fólki.

Komst að ýmsu um Selfyssinga og m.a. því að sögusagnir um hnakka og sportbílaakstur er mjög svo sannur. Ein ung dama sem ég átti stuttar samræður við steig ekki alveg í vitið greyið og trúði því að ég væri Grænlendingur,...

eeen nú er ég komin heim, þreyttari en allt og á þó eftir að gera heilan haug. Ætla að klára bílamál á morgun og fara til læknis. Hinn daginn ætla ég svo að taka almennilega til bæði í íbúð og bíl og fara með bílinn í viðgerð. Hinn daginn ætla ég svo að vinna í skólamálum og lánamálum og fara með bílinn í skoðun. Hinn daginn ætla ég að njóta þess að vera á löglegu ökutæki, með planaða framtíð og heilbrigðan líkama. Þeir sem vilja fagna þessum mjög svo merka áfanga í lífi mínu geta mætt við Hegningarhúsið á hádegi.

Þar munum við hrópa, hósta, hoppa, hanga og hafa heví happy hour á hádegi við Hegningarhúsið.

H er töff. Enda er það stafurinn fyrir töff kallinn á msn. (H) og maður sigrar heiminn.

Lífið er lykkjufall

segir Megas og ég er sammála. Við því er ekkert að gera, nema bara njóta þess, líða eins og portkonu og stækka gatið...eða þá bara naglalakka fyrir og reyna að loka því.

Ég vaknaði í morgun alveg eiturhress og skellti mér í Bónus. Var með nettan hnút í maganum því ég þurfti að versla fyrir alveg fimm manna "fjölskyldu" og það er ég ekki vön að gera. En þetta heppnaðist ágætlega...svona fyrir utan óþolandi krakkann sem fannst óskaplega gaman að hlaupa framhjá körfunni minni, þegar ég sá ekki til, og henda drasli ofan í hana. Ég ætlaði að fara að kýla hann kaldann þegar móðirin birtist í öllu sínu veldi, bullandi sílíkon og aflitun á þeim bænum. Ég hörfaði skelkuð og rotaði mig á bananastandi. Jebb. Bananastandi.

Þegar ég kom að kassanum var ég með u.þ.b. tuttugu Haribo hlauppoka í körfunni minni sem krakkanum hafði tekist að troða þangað. Úffffffff...og við erum alveg að tala um að gæinn sem ég "hljóp" á og hálfrotaði mig svo á bananastandinum, stóð fyrir aftan mig í röðinni og þegar ég fór að týna upp alla hlauppokana og biðja afgreiðsludömuna um að taka við þeim, þá fékk hann endanlega staðfestingu á geðveiki minni.

Bónus-ekkert bruðl.


Ég skil ekki af hverju ég er ekki að fá borgað fyrir svona spons. Og já..sem minnir mig á það, mig vantar peninga, fullt af peningum. Ég er búin að íhuga ýmsar leiðir, tombólur, rán, betl og meira að segja búin að reyna að skipuleggja heljarinnar rán. Það rán átti nú reyndar ekkert að vera mikið heljarinnar heldur meira svona "allt í plati" og hirða svo peningana. Múhaha. En hey, ég er of góð fyrir svoleiðis svo þetta gekk ekki upp. Og auk þess er ég áttavilltari en Einar (áttavillti...ef þið fattið ekki, þá það) og gat því engan veginn búið til kort.

Svo...mig vantar vinnu. Ég er í vinnu og búin að ráða mig í vinnu til áramóta en mig langar í meiri meiri peninga og því betur launaða vinnu. Getur einhver aðstoðað mig? Get bara unnið um helgar og helst bara aðra hverja...en get þá líka alveg unnið bara 24 tíma þess vegna. Hvað sem er, nema það innihaldi fisk, fugla eða yfir höfuð dýr...

ÓKÍDÓK ÉG ER FARIN

Æ

er í mestu krísu í heimi
og veit engan veginn hvernig ég á að koma mér út úr henni

skemmtilegt

...

Klippikonan

Núna er ég búin að klippa tvo hausa á tveimur dögum. Og ég kann ekki baun að klippa.

Ég er líka búin að kaupa bók og lesa bók og það kemur um það bil aldrei til með að gerast aftur.

Og svo pantaði ég mér rúnasett sem ég átti að sækja í dag en gleymdi því svo.

---

Fyndið hvað draumarnir mínir virðast alltaf tákna akkúrat það sem er í gangi eða er að fara að gerast í lífi mínu. Dreymdi alveg stórfurðulegan draum sem ég hélt ég gæti aldrei sett í samhengi við það sem er í gangi núna en svo allt í einu smellur allt. Dásamlegt...eða ekki.

---

Ég þoli ekki hversu mikil áhrif álit annarra hefur á mann. Venjulega læt ég það mig engu máli skipta, reyni að vera hipp og kúl, svaka sjálfstæð og reyni að halda mig við það...en svo allt í einu hrynur allt.
Helst langar mig til þess að raka af mér allt hárið og ganga um í...ruslapoka...á höndum...bara til þess að mótmæla áliti fólks og segja: Hey, það er ekki ég sem er asnaleg heldur þið sem dæmið mig fyrir það.

Gott dæmi um þetta er konan sem ég sá í dag. Hún var með skegg. Enga brodda, ónei...alveg svona fimm sentimetra langt skegg. Og það var grátt.
Fyrst hugsaði ég oj, en sá viðbjóður, því ég er örugglega alveg jafn gagnrýnin á aðra eins og aðrir eru á mig...
en síðan hugsaði ég þetta nánar og sá þá að þessi skeggjaða kona stendur fyrir það sem ég vil vera núna. Mig langaði helst að stöðva umferð og gefa þessari konu bikar, en ég átti engan bikar og hefði örugglega ekki gert konunni gott með allri þessari athygli, þá gerði ég það ekki.

Og draumurinn sem mig dreymdi er að segja mér sömu hluti. Og klippingarnar tvær sem ég hef framkvæmt í dag og í gær. Og stjörnuspár og einhvernveginn allt!

og samt geri ég ekki baun nema væla yfir þessu öllu saman


þetta er samt heví fyndið:
http://www.youtube.com/watch?v=mdscCGfb62U

Leyndó

hey
ptsss

ég var að fá hjól
gefins
því var samt rænt

og hey
ptsss

ég klippti karlmann í morgun
hárið af
og það fyndna er
að hann er fiðlukennarinn minn

Georg, hentirðu útigrillinu?

Ég er svo þroskuð...

er búin að hlægja að þessu í svona korter.

Ég á mér ekki líf þessa stundina, enda eru allir sem einhverju máli skipta í mínu lífi að gera eitthvað annað en að hanga með mér. Svo ég þarf ekkert að afsaka mig, þið kölluðuð þetta yfir ykkur.

Heima

VÓ
ég fór í rútuna með tvo risavaxna húllahringi, einn sem ég bjó til alein já alveg sjálf, og einn handa litlu systur sem stóra systir bjó til.
Ég ætlaði nú aldeilis að sofa í þessari rútu og valdi mér því sæti fjarri öllum ljóshærðum, bláeygðum gömlum konum. Ég fékk að njóta þess í fimm mínútur, en þá komu inn fjórar danskar ungmeyjar sem röðuðu sér skemmtilega í kringum mig. Mjög hyggelig.

Þær töluðu dönsku í tvo og hálfan tíma, eða þar til við tókum hálftíma stopp og fjarlægðin á milli okkar var of mikil til þess að ég heyrði í þeim. Þá tók ég á það ráð að skipta um sæti, fór mun framar og fór svo út að fá mér að borða og sóla mig. Þegar ég kom inn aftur sat gamall maður í sætinu fyrir framan mig. Ég brosti til hans og hann greip um mittið á mér. GREIP UM MITTIÐ Á MÉR. Ekki mjög hyggelig. Ég var að því komin að kýla hann kaldan og fleygja honum öfugum útum rútuna (sem hefði verið erfitt því hann var bersýnilega ekki öfugur) en þá spyr kauði hvort ég "sé héðan úr Húnavatnssýslunni?"

Okei

A) Hvaða máli skiptir það?
B) Hvar í fjandanum er Húnavatnssýsla?

Þannig ég sagði einfaldlega "Nei, ég er úr Hafnarfirði" og bjóst við því að ég fengi frið. Það að ég væri úr Hafnarfirði fannst honum hinsvegar alveg ótrúlega merkilegt og rausaði uppúr sér "núúú" "jáááá" "Haafnaaarfiiirðiii" í svona korter. Á þessu korteri tókst mér að lauma mér í sætið fyrir aftan upphaflega sætið mitt til að forðast hann endanlega. But no. Hann gat ekki snúið sér við til að tala við mig svo hann gerði það ekki, heldur talaði bara við mig út í loftið.
Í alveg fjörutíu mínútur. Um FISKA.

Úffff....en svo sofnaði ég og svaf og svaf sem var gott.

Ég átti svo að mæta á fund hjá mömmu vinkonu minnar klukkan fimm, því vinkonan er búin að vera úti í Nýja-Sjálandi í eitt ár og við ætluðum að plana saman surprise-partý. En viti menn...ég og önnur vinkona mín mætum þarna í okkar mesta sakleysi, ég enn með rútusvitann á enninu og lyktaði eins og gamli kallinn, og móðir hennar tekur á móti okkur. Þetta var allt frekar furðulegt og hún sjálf frekar skrýtin en ég hélt að það væri kannski bara eitthvað stress eða eitthvað. En allavega, hún lætur okkur setjast við eldhúsborðið og byrjar eitthvað að spjalla um það hvað við viljum gera. Það var sem sagt von á vinkonunni eftir rúma viku. En viti menn, þegar við erum að ræða málin sé ég allt í einu tvær hendur birtast á stofuveggnum fyrir aftan mömmuna, og vinkonan hoppar fram!!! Við vorum svona fimm sekúndur að fatta hver þetta væri því við vorum í svo miklu sjokki, en við tóku hallærislegustu ÓMÆGOOD OMG OMG OMG öskur í heimi, sem eru greinilega sjokkviðbrögðin mín, mjög töff.

Hún kom sem sagt heim á miðnætti daginn áður og þær mæðgur höfðu ákveðið að snúa surpriseinu við og leika á okkur. Váááá þetta er rosalegt. Eftir mikið "omg omg omg" og "vá, ég trúi þessu ekki" jöfnuðum við okkur og við tók fjölskyldumatarboð. Og ég enn í rútugallanum...úfff. En það var ótrúlega gaman og dásamlegt að hún sé komin aftur og vá þetta var ekkert smá óvænt.
Svo þurfti ég að rjúka á leiklistaræfingu en eftir það var kaffihús og bíltúr og endalaust spjall. Allt eins og áður -ekkert breytt og það er eins og þetta ár hafi aldrei verið. Vá.

En allavega...ég veit ekkert hvað ég á af mér að gera núna. Íbúðin mín er á hvolfi en ég nenni ekki að gera neitt. Samt hef ég í raun allan daginn...það er pínu sorglegt.

omg.

XXX LAX XXX

Vaknaði um hádegi og steig út á hlað. Hér í sveitinni er hlaðið eini staðurinn sem hægt er að ná símasambandi á. Það er dásamlegt. Þar sem ég stóð í sakleysi mínu og stimplaði inn númerið (eða í raun stimplaði ég ekki neitt þar sem nýji síminn minn er með snertiskjá og öllum andskotanum svo maður þurfi nú alveg örugglega ekki að ofreyna þumalfingurinn) þá heyrði ég hljóð í fugli. Fugli! Það myndi manni nú ekki þykja ósennilegt í sveitinni en þar sem ég er alvarlega haldin af fuglafóbíu þá hoppaði ég til á hlaðinu og fór í "Kung-Fu alltaf tilbúin" stellinguna mína. Þá sé ég hvar skoppar til mín stór fugl með enn stærri gogg, ég held hann heiti Tjaldur en hann var nú ekkert að kynna sig með nafni blessaður, og hann æpir á mig. Æp æp æp segir hann og stekkur einu skrefi nær í hverju æpi. Ég var um það bil að fríka út þegar ég náði loks sambandi við Tullu sem var að vakna hinum megin á línunni. Fjúfff...nú gat ég deilt raunum mínum með einhverjum öðrum en árásarmanninum..árásarfuglinum.

Tulla stígur nú ekkert sérlega í vitið, svona venjulega, en í þessu samtali hafði hún ýmislegt til málanna að leggja (vá þessi setning hljómar eins og ég sé ótrúlega gáfuð manneskja) Hún sagði að sennilega væri ég nálægt hreiðri fuglsins og því væri það ég sem væri að ógna honum en ekki hann mér. Pff sagði ég og steig skrefi nær húsinu þar sem fuglinn var farinn að narta í mig. Síðan hljóp ég nokkur skref og þá flaug fuglinn í burtu. "Hahh! Ég vann!" hugsaði ég og steig upp á ímyndaða verðlaunapallinn minn.

Um það leyti sem ég var að taka á móti bikarnum rann bíll systur minnar í hlað. Þau fóru sem sagt út að veiða klukkan sex í morgun. Ég var nú ekkert mikið að kippa mér upp við það að þau væru komin enda var ég á kafi í æsispennandi samtali við Tullu. Systir mín, sem ætti nú að vita manna best hversu hrædd ég er við fiska, hoppar útúr bílnum, án þess að ég sjái, og sveiflar svo framan í mig 12 PUNDA LAXI!!!!!! FUUUUUUCK mér er skítsama um laxinn en halló halló ég fékk taugaáfall, móðursýkiskast og alvarlegar hjartatruflanir sem ollu því að ég var næstum búin að stíga á fjandans hreiðrið.

Fiskur og fugl á innan við fimm mínútum.
Það er verið að reyna að drepa mann hérna. Ég er að segja ykkur það.

Rúta framhald

Það voru ca 15 manns í rútunni, nokkrir hrjótandi Spánverjar, eitt furðulegt par sem ég gat engan veginn áttað mig á hvaðan þau væru, einn hjólandi Japani, þrír frekir Þjóðverjar, einn Rússneskur róni, tvær sænskar ömmur...og ég.

Ég valdi mér sæti fyrir framan sænsku fljóðin, sem voru ein mestu mistök lífs míns. Ég var gjörsamlega ósofin og ætlaði mér að sofa alla leiðina but nooooo þær prottuðu nebblilega svenska hele tiden og það versta var að ég skildi um hvað þær væru að tala og það var svo hrikalega óáhugavert að þegar við vorum komin uppá Höfða var ég næstum því gengin út.

Ég hafði það voðalega huggulegt í fimm klukkustundir með sænskuna fyrir aftan mig og hrjótandi Spánverjana fyrir framan mig. Rússneski róninn fékk sér alltaf við og við göngutúr um rútuna svo loftræstingin í rútunni virkaði ekki baun og ég sat í einhverskonar alkóhólspolli alla leiðina. Hálftíma stoppið í Staðarskála var dásamleg lífsreynsla þar sem ég sat ein og skoðaði dauðar flugur.

Þetta hljómar eins og hræðileg lífsreynsla, sem þetta er í raun ekki, heldur ÖÐRUVÍSI lífsreynsla. Svona eins og þegar fólk er öðruvísi...

En allavega ég komst á leiðarenda og stóð eins og gæran í Stellu í orlofi úti við bensínstöð og beið þess að ég yrði sótt. Síðan var ég sótt og brunað með mig upp í veiðihús þar sem ég svo svaf í þrjá klukkutíma. Hér er ég samt líka pínu eins og ekki heima hjá mér því hér tala allir ensku svo allir skilji. Ein frönsk, einn hollenskur og svo fjórir fræknir Íslendingar...saman babla allir á óskiljanlegri ensku.

Það var dásamlegt.

Dagur tvö í orlofinu er hafinn og ég svaf til eitt. Núna þarf ég bara að íhuga hvað ég ætla af mér að gera, skrifa, fá mér labbitúr, fara í heita pottinn eða sánuna, fá mér að borða eða búa mér til húllahring. Já...hér er svo sannarlega nóg um að vera og allir rosa glaðir.

Rúta...

er skemmtilegt fyrirbæri...í flestum tilvikum. T.d. þegar maður fer í skemmtilegt skólaferðalag, skoðunarferðir í útlöndum eða annað slíkt. Ég hef alltaf staðið í trú um það að rútur væri skemmtilegur ferðamáti...eða, þar til í dag.

Vaknaði eldspræk klukkan 06.40 við vælandi hunda í búrum. Hleypti þeim út og byrjaði að pakka og taka til. Ég var með hnút í maganum og leið eins og ég væri að fara í flug en það sorglega var að ég var að fara í rútu. Síðan var mér skutlað uppá BSÍ þar sem ég fékk fylgd í gegnum allt heila klabbið svo ég myndi nú ekki labba inn í vitlausa rútu, sem ég hefði annars gert.

Ég var eini Íslendingurinn.

Svik og prettir

Appelsínusvali er viðbjóður. Ef þið hafið einhverntíma staðið í þeirri trú um að hann væri góður (eins og ég gerði því miður í fjölda, fjölda ára) þá lifið þið í blekkingu. Smakkið hann núna og sannfærist. Hvílíkur viðbjóður.

Og það tvisvar í dag.

Character is what you are in the dark

Hár

umm ókei

brátt verð ég búin að klífa öll fjöll í heimi og geimi
keypti mér svakalega úlpu í gær og gönguskórnir koma á morgun
síðan er það bara að dressa sig upp og halda á fjöll
pabbi heimtar það og ég hlýði bara

og já ég er búin að taka ákvörðun
það er alltaf svo gott að taka ákvarðanir, þó svo að þær standist kannski ekki alveg...

ég ætla sem sagt alveg pottþétt hundrað prósent og meira en það að fara eitthvað út að læra eftir áramót

bara strax eftir áramót og vera úti í að minnsta kosti þrjá mánuði

-----

ég komst að því í dag að "geðveikt" er víst orðið að tískuorði hjá tveggja ára börnum

þau geta sagt "geðveikt" en þau geta ekki sagt "bless"
bara "hæ" og "bæ" og "neeiii" og "geðveikt"

og svo má ekki gleyma mest hipp og kúl orðinu hjá þriggja ára "oh my good night"


(ókei ég veit þetta var glötuð færsla en ég hef ekkert að segja svo þið getið bara sjálfum ykkur um kennt að hafa lesið þetta)

Sjáðu tindinn, þarna fór ég!

ÓJÁ
við erum að tala um það að ég gekk á Esjuna í dag, alla leið uppá TOPP á innan við tveimur tímum!! Ég er að springa úr stolti yfir því að vera lifandi og komin heim til mín...hélt án gríns að ég myndi steindrepast þarna þegar ég var að klöngrast uppá topp og horfði niður...sjiiiitt

en ég gat þetta og ég gerði þetta og ég er ofurhetja dagsins í dag!

og nú get ég líka notað frasann sem mig hefur alltaf langað til að nota: sjáðu tindinn, þarna fór ég!

vúhú

Ég er fræg

ótrúlega fræg og var í útvarpinu í morgun.

Eins gott að þið hlustið!

---- http://dagskra.ruv.is/streaming/ras1/?file=4410753

"Rithöfundurinn og leikritaskáldið Guðrún Sóley Sigurðardóttir"

Geðveila

,,Ég vil láta lýsa það og svo vil ég ná því í tagl. Þú mátt ráða öllu öðru."

þetta voru fyrirmælin sem ég gaf hárgreiðsludömunni klukkan 17.05
klukkan 19.35 gekk ég út með hár niður á axlir (for sure) og algjör blondína

ég rétt næ því í tagl og er ljóshærð

smá taugaáfall en hey það er bara töff
móðir mín kallaði mig "unga dömu" áðan...það hefur hún aldrei áður gert nema í kaldhæðni.

tvær heimsóknir á hárgreiðslustofu á einum mánuði. Það eru jafn margar heimsóknir á hárgreiðslustofu og ég hafði farið á allri minni ævi. Hvað er að gerast!?

Ónei

ég sá eitthvað hvítt út um gluggann í gær

það var stórt og hvítt og hreyfði sig mjöööög hægt, næstum ekki neitt, alveg eins og það ætti mjög erfitt með að hreyfa sig

svo heyrði ég hávært öskur

mjög djúp rödd



þá varð ég hrædd og hljóp til að athuga hverskonar ísbjörn þetta væri eiginlega

auðvitað löngu búin að kalla út þyrlur og björgunarsveitina



en svo kom bara í ljós að þetta var púðluhundur



ooo en sætt

Aumingja ég

Fór að þvo bílinn hennar mömmu í dag, reyndar líka minn en.., sem væri ekki frásögufærandi nema hvað að það var gömul prúðbúin kona með uppsett hár og á hælaskóm að þvo sportbílinn sinn við hliðina á mér. Það eitt og sér var mjög fyndið. Þegar ég sá manninn hennar fannst mér þessar kringumstæður enn fyndnari því hann var inni í bíl í lopapeysu að reykja pípu. En allavega...ég steig útúr bílnum mínum og byrjaði að þvo hann. Eftir svona tvö skrúbb kom skyndilega hellidemba sem kom í köstum yfir mig, að framan og aftan, frá himnum og frá hliðunum. AHA gamla konan var sem sagt að ÞVO bílinn sinn og næsta nágrenni. Hún réði engan veginn við kústinn og var ekki að átta sig á því hvers vegna unga daman ég (já daman) væri svona hundblaut að þvo bílinn sinn. Maðurinn hennar sá þetta hinsvegar og barði í rúðuna með pípunni og benti á mig en kona hans heyrði hvorki né sá hann.

Ég ætlaði að skora á hana í blautbolskeppni en hætti skyndilega við þegar ég fór að sjá það allt saman fyrir mér. Freeekar subbulegt.

Þannig ég lét mér bara linda við þetta og naut þess að baða mig í sólskyninu rennblaut og þvo bílinn minn í leiðinni. Ég á samt ennþá eftir að klára að taka til í mínum eigin bíl og þrífa hann almennilega, og svo er öll íbúðin eftir...og við erum alveg að tala um ÖLL. Hún er gjörsamlega í rúst og ég á eftir að taka til, breyta henni allri og þrífa hana hátt og lágt....

Og ég sem lofaði að klára allt fyrir morgundaginn...

Aníta óskast

Ég fékk símtal í nótt frá manni sem var að leita að Anítu. Ég sagðist ekki vera Aníta. Hann sagðist hafa hringt vitlaust. Síðan kom stutt þögn. Mjög viðkunnalegur ungur maður hinum megin við tólið...símtólið.

Hann sagðist vera úti á sjó.
Úti á sjó? spurði ég.
Já, á árabát, sagði hann.
Árabát? sagði ég.
Já...sagði hann
Sjitt, sagði ég
Já...sagði hann
Viltu hjálp? sagði ég
Uu...neieeii þetta er allt í lagi, sagði hann
Ertu viss?
sagði ég
Jájá
sagði hann

svo kvaddi ungi maðurinn á árabátnum.

Ákvörðun nuðrövkÁ

ég ætla að gefa út ljóðabók

ljóta ljóðabók

ef þið viljið kaupa í forsölu og fá hana áritaða með lífssýni mínu þá commentið

hún mun ekki kosta meira en 1500 kall
ég lofa
engu...

Hótel

ég er samt ekki á hóteli.

Aaaa ég er svo eirðarlaus að ég er að bilast. Nenni samt ekki að koma mér út úr húsi. Nenni ekki einu sinni að klæða mig.

Samt langar mig að fara út og sigra heiminn.

Úff.

En mér tókst samt að brjóta glas og semja ljóð. Það heitir Gömul sál og er svona:

stendur við búðarborðið
lítil og ljóshærð
með eitt tígó og biður um sígó

afgreiðsludaman hlær og sýgur upp í nefið
spyr hversu gömul hún sé

fjögurra ára svarar sú stutta
eftir dálitla þögn

afgreiðsludaman ræskir sig
hún er kvefuð
neitar henni um sígó og segir bless

ég er gömul sál
gólar sú stutta
afgreiðsludaman snýst á hæli

fjögurra ára stendur við vegg
lítil og ljóshærð
með eitt tígó og sígó

Ég er þreytt, svöng, óákveðin og mjög eirðarlaus

Komin heim úr dalnum góða

Úfff...það er erfitt að lýsa þessu en ég skal reyna.

Það var allt frábært, út í gegn. Ótrúlega krefjandi og skemmtilegt námskeið sem ég var á, sem gerði mér kleift að gera hluti sem mig hefði aldrei grunað að ég gæti gert. Lærði um helstu stefnurnar í leikhúsgeiranum og hvernig hægt er að vinna út frá þeim, bæði í æfingum og á sviði almennt. Ég hafði ekki hugmynd um hversu margir möguleikar eru í boði en þetta gaf mér klárlega góða innsýn inn í leikhúsheiminn og það sem honum býr að baki. Ótrúlega krefjandi bæði líkamlega og andlega. Harðsperrur og marblettir á ótrúlegustu stöðum og svo auðvitað gleði og grátur og allt þar á milli. Og váá hvað þetta gerði mér ótrúlega gott, styrktist bæði á líkamlega og andlega sviðinu og lærði alveg heilan haug. Frábær hópur á námskeiðinu og frábært fólk í dalnum. Hakkísakk, blak, fótbolti, sána, sund, óvissuferð, busavígsla, grill, kvöldvaka, leiklistarlágtíð, lokakvöld og endalaus gleði og skemmtun frá morgni til kvölds.

Ég gæti alveg farið dýpra í þetta fyrir ykkur en veit ekki hvort það myndi skila nokkru, það er eiginlega ekki hægt að lýsa því sem á sér stað í þessum ótrúlega dal. "Ég kýs því fremur að þegja og bíða uns ég hef fundið hið rétta orð".

Ég er gjörsamlega úrvinda eftir mikið fjör og er búin að sofa meira og minna í allan dag. Var svo að fatta fyrir svona hálftíma að það er frídagur á morgun. Jibbí kóla ég get sofið!

Takk allir fyrir dásamlega viku!

HVERN HEFÐI GRUNAÐ!?!?!!

og já nú vil ég viðbrögð!

ég sem sagt vaknaði í morgun með mesta hnút í hárinu sem ég hef nokkru sinni fengið. Við erum alveg að tala um dreadlocksklessur úti um ALLT. Meira að segja börnin í vinnunni sögðu oj og kölluðu mig Argintætu.

og svo kom ég heim á hádegi alveg í sjokki og makaði djúpnæringu og venjulegri næringu og öllum andskotanum í flækju dauðans...en allt kom fyrir ekki. Þá brunaði ég uppá hárgreiðslustofu (sem ég hef ekki stigið fæti inn síðan í lok 9. bekkjar) og æpti hjálp. Dömurnar þar ráku upp óp og sögðust aldrei hafa séð svona lagað.

Og svo reittu þær á mér hausinn og dæstu og reittu meira og úðuðu tonni af efni en allt kom fyrir ekki.

Svo...ÞÆR KLIPPTU ÞAÐ ALLT AF!!!!

og þetta er ekkert grín...ég er með hár niður á axlir og er í nettu sjokki, því eins og alþjóð veit hef ég verið með hár niður á rass síðan ég var sex ára.

og öss hvað ég er fín og sumarleg svona, á eftir að venjast þessu en hey það hlýtur að venjast eins og annað.

þetta vesen tók tvo tíma svo núna er ég að pakka og henda mér af stað. Er komin með þrjár risatöskur og fullt af aukadóti sem liggur laust til hliðar og kemst hvergi fyrir. úff...

Ég er farin í sveitina með stutta hárið mitt túrílúú

Marxoulle

Úfff ég dó í nótt. Það kemur sjaldan fyrir að ég deyji alveg í draumum en í nótt þá dó ég alveg og vaknaði aftur til lífsins sem draugur. Þetta er samt allt í lagi því ég dó á mjög töff hátt, jábbs ég stal geimfari og var að prófa að fljúga því með Kristínu og Davíð. Það var rosa stuð og ég var að velta því fyrir mér hvernig fólk gæti fúnkerað í svona keri árum saman þegar Kristín allt í einu gólaði á mig að þegja, og um leið hætti skipið að virka og byrjaði að hrapa og hrapa. Þá sagði Kristín að þeir yngstu þyldu minnst og því myndi ég deyja fyrst, ég var fullkomlega undir það búin og voru lokaorð mín: Ég elska ykkur.

Ég á bók um sálarflakk og ég held ég hafi upplifað eitt slíkt í nótt. Þegar ég dó upplifði ég nefnielega þvílíkan skjálfta um allan líkamann og andköf sem sitja enn rosalega í mér. Það fyrsta sem ég sá þegar ég vaknaði upp sem vofa var bók eftir heimspekinginn Marxouelle eða Marxouise...man ekki alveg hvað hann hét. Svo fór ég beint niður í leikhús og náði þar sambandi við Kristínu sem var ennþá lifandi og að leika einhverja vofu og ég fór að spjalla við hana og reyna að láta hana sjá mig og eitthvað.

En þetta með sálaflakkið er mjög spes tilfinning og núna, já ég veit að ég er klikkuð, væri ég hreint ekkert hissa á því ef fólk myndi ekki sjá mig, bara heyra í mér, því ég hefði jú dáið í geimslysi....

---

Jess það er innsláttarvilla í stjörnuspánni minni:

Naut: Þér finnst órökrétt og áhættusamt að fylgja innsæinu. Það er ekki fyrir kjarklausa. Ef þæu færð annan til starfs, muntu sjá hann vaxa við ábyrgðina.
---

Klukkan er 07.37 að staðartíma. Sturta og vinna til hádegis, síðan á ég eftir að pakka öllu og redda fullt af dóti. Og SÍÐAN verður lagt í hann. Svo ég kveð ykkur kæru lesendur, og við heyrumst að tíu dögum liðnum.

Túrlílúú og hafið það gott heima í rigningunni!

Viðbjóður

Fyrst vil ég þakka þeim fjölmörgu aðdáendum mínum sem hafa nú látið ljós mitt skína og dáðst að yndisþokka mínum og ungdómi...eða þið vitið.

---

Mig dreymdi viðbjóðslegasta draum í heimi í nótt. Hann innihélt um það bil 10.000 gullfiska sem voru spriklandi úti um allt, bæði inni í búrum og utan þeirra. Úff...ég vaknaði með tárin í augunum og hjarta mitt hamaðist sem aldrei fyrr. (Fyrir ykkur sem ekki vitið, þá eru gullfiskar það viðbjóðslegasta sem ég veit um og ekkert sem ég hræðist meira en þá)

Úfffpúff svo vaknaði ég upp með enn meiri hálsbólgu og hor, dreif mig í apótek og dópaði mig upp fyrir verslunarleiðangur með múttu. Verslaði frá mér allt vit, allt frá 990 krónum og uppí 9900 krónur...ójább ég hef ekki keypt mér svo dýra flík frá því ég var á Diesel-skeiðinu. En svo keypti ég líka praktíska hluti svona upp á móti eins og gullskó og hleðslutæki á 8.000 krónur.

Sjiiii

en allavega
það eru núna svona ca 20 tímar þangað til við leggjum í hann og enn á ég eftir að þvo fullt af þvotti, pakka, finna dót og versla meiiiraaa en ég er einmitt að leggja upp í þriggja tíma leiðangur akkúrat núna.

bless
(og hey þó ég sé að hrósa ykkur, aðdáendunum, þá verðiði samt að standa undir þessu hóli og halda áfram að skrifa)

Geðveila

Þá kom löggumann
og kyssti han..a..
og stakk henni beint oní rassvasann!

---

Eða þú veist...það hefði getað orðið þannig...ef við hefðum bara fengið örlítið næði frá bansettum umferðarreglunum. Ég er komin með hor í nös og verk í háls og óttast að ég sé að verða veik, sem er auðvitað stranglega bannað enda verður lagt í hann eftir u.þ.b. 40 klukkustundir (samkvæmt mínum útreikningum).

----

Vegna mikils misskilnings vil ég árétta það að Tulla er ekki raunverulegt nafn, heldur einungis listamannsnafn minnar ástkæru vinkonu, Tal-vin og Twisterfélaga, Elvu Daggar (Dögg..beygist yfir í Daggar, svona til að forðast allan misskilning á þeim bænum). Og Pussi er hið undurfagra listamannsnafnið mitt...og já það minnir óneitanlega á að pissa eða jafnvel eitthvað enn dónalegra sem við segjum ekki frá vegna hættu á lögsókn eða einhverju þvíumlíku.

----

Ég er búin að kaupa buxur (já BUXUR, ég í buxum er afar sjaldgæf sjón og aðeins útvaldir munu fá að njóta þess að sjá mig skoppast um hlíðar sveitarinnar, sveitta og sexy í buxnabrók) sem kostuðu mig fáránlega mikinn pening, en hey þú veist Nike, það er ótrúlega töff í sportvörubransanum.

Ooog ég keypti mér líka sjóarabol og kjúkling og bensín. Núna á ég bara eftir að kaupa og redda öllu hinu. Sem verður fjör. Er búin að fá frí í vinnunni fyrir hádegi svo ég verð á spani allan morguninn og svo beint eftir vinnu verður haldið í verslunarleiðangur ársins með Tullu, sem verður span útum allt, redda öllu og eyða eins fáum peningum í eins margar flíkur og hægt er. Vúhúúú partý ooon!

---

Og núna er ég komin í íþróttagallann, tilbúin í slaginn við óhreina þvottinn. Íhaaaa og afsakið hversu mikið ég hef tjáð mig hér síðustu daga, ég kenni undralyfjunum um. Svona Lísa í Undralandi undralyf með sveppamynd og rauðum exum. Eða þið vitið...

---
ps.
loksins veit ég hvað það þýðir að vera böðull. Búinn að velta þessu fyrir mér frá því ég man eftir mér, en aldrei þorað að spyrja. En núna veit ég það og veit líka að ég verð bráðum böðull. Hoho.

Lífshætta

Ég er að fá taugaáfall

TVEIR dagar í skólann núna og ég á eftir að gera ALLT.

Það sem felst í þessu ALLT er m.a.:
-þvo öll fötin mín því þau eru annað hvort skítug, krumpuð eða með fjósalykt eða beljukúk á
-redda öllum fjármálum (sem felst í því að fara í hraðbanka)
-kaupa lyf (sem veldur tvítóla fóstri)
-versla kók og nammi og eitthvað meira
-versla sólgleraugu
-versla íþróttabuxur
-versla leggings
-versla föt yfir höfuð (s.s. yfir höfuð= kjóla, síða boli osfr..)
-versla gúmmítúttur
-klára að prjóna (sem tekur mig svona sjö aldir miðað við hvað ég er búin að vera lengi að þessu og lítið farið að sjást á helvítis flíkinni)
-finna fullt af dóti og fötum
-kaupa spólur í vídjóvél
-kaupa hleðslutæki

og síðast en ekki síst: pakka, gera mig til, tékka á öllu og fokksjittfokk ég er að vinna 9-5 á morgun og hinn og til hádegis hinn og svo keyrum við út úr bænum!!

---

hversu lengi getur tími hjá tannlækni dregist? það er alltaf góð afsökun....

---

en annars ég verð að útskýra lífshættuna...
ég var sem sagt næstum dáin í dag
morðóð kýr réðst á mig, gleypti hálfa peysuna mína og gerðist svo skæð að sleikja á mér rassinn, bakið og hnakkann allveg svo ég sat eftir öll blaut á botninum með sællega kýr við hlið mér. svo baulaði hún eins og Búkolla og sprændi svo við hliðina á mér svo það skvettist upp um mig alla. um leið kom ég auga á könguló en ég hata köngulær og var næstum dáin útaf þessu öllu saman.

þetta er ekkert grín.

Ummm...grunsamlegt?

Lyfið getur valdið karlkynseinkennum hjá kvenfóstri.
---

Þannig...ef ég væri ólétt...þá myndi ég líklega eignast...stelpstrák...sem hefur verið langþráður draumur.

---

Finnst engum þetta fyndið nema mér?

---

Bráðum þrír dagar....fuck

Náttföt og namm namm

Óóó
baaaa baaaa, baba, babba og babababa eru allt mjööög ólíkir hlutir. Þetta lærði ég í gær og í morgun.

Náttfatapartí með öllu tilheyrandi: Tulla, krílið, lifrakæfa, kók (samt ekki saman, það er ógeð), Stella í orlofi...og að sjálfsögðu náttföt. Alveg dásamlegt að slaka smá á, kroppa hor úr augabrúnum, stíga í lifrakæfu og kenna litla krílinu að vera ótrúlega töff, krossleggja arma og segja; WHAT'S UP???

Svo er ég búin að segja Gugga í öðru hverju orði, enda verður hann sá eini sem mun mega kalla mig það með mínu leyfi. Hugsa að Gugga sé líkara Baba og Babababa heldur en Guðrún...

Og viti menn! Í gærkvöldi, þegar hann átti að fara að sofa, heyrði ég "Gúgga, Gúgga, Gúgga" óma fram á gang út úr svefnherberginu. Það var dásamlegt og yljaði mér um hjartarætur, þó svo að þetta líktist óneitanlega hinum vel þekkta frasa "Kúka, kúka, kúka". En hey...

Dagurinn í dag verður dásamlegur. Ætlum að fara og kíkja í leikhús á vini okkar og svo verður haldið í heljarinnar verslunarleiðangur, því eins og alþjóð veit eru aðeins fimm dagar í BÍL.
Ekki halda samt að dagurinn hafi verið að hefjast núna, óóneii hann hófst klukkan sex við "gagagaga" í litla kút sem svo sofnaði aðeins og vaknaði svo aftur um átta og þá tók Pussi við pössuninni (haha Pussi passar) svo Tulla gæti sofið smá. Krílið gúffaði í sig heilsusamlegum morgunmat a la Pussi, brauðstöngum, sósu, kæfu og epladjús...eða "nammnamm". Þá tók kúrerí og áhorf á hina geysivinsælu og æsispennandi stubbamynd "Uppáhaldsdótið" sem er um það bil það heiladauðasta sem ég hef hort á fyrir utan Disney Chanel...en kannski er ég bara svona ofboðslega ofþroskuð fyrir þetta frábæra efni...eða þá kannski óþroskuð. Hmm...

Allavega, kúrðum og keluðum yfir stubbunum þangað til litli stubburinn fattaði allt í einu að hann væri að knúsast með einhverri annarri kellu en mömmu sinni. Þá löðrungaði hann mig, setti neðri vörina fram og æpti "MAMA" eins hátt og hann gat. Og þá tók við leikurinn "Ég vil fá mömmu - þú færð hana ekki" sem endaði auðvitað þannig að ég skíttapaði, enda ekki eins úthaldsgóð og lúmsk eins og leikmaður númer eitt. Og núna eru þau að lúlla sér í smá stund áður en við leggjum af stað út í daginn...og ég sit ein og yfirgefin við gluggann...engin mamma og enginn sem er hér til þess að veita væli mínu athygli. Snökt.

En burt með væl og volæði því HÉR VERÐUR ÁÐ! (þið sem ekki skiljið þetta, leiðinlegt fyrir ykkur...því ég skil ójá)

FIMM DAGAR Í SKÓLANN! Úfff...á morgun verða fjórir, svo þrír, svo tveir, svo einn...og þá bakka Tulla og Pussi úr hlaði með úttroðinn bíl af hamingju. Ójá!

Og ekki örvænta, ef þið eruð svo einstaklega óheppin að missa af herlegheitunum...ÞVÍ...þetta mun allt saman fást á dvd í verslunum um land allt!!! Hvaða verslanir það verða, veit ég ekki, en einhverjar verða þær. Ójá!!

---

Mín einkar ástkæra vinkona, Kristín Rós - betur þekkt sem Grín-Kristín, er formlega orðin fullorðin og gott betur. Hún fagnar nú 75 ára...ég meina...25 ára afmæli sínu með ofurhetjunni Robin og ástmanni sínum Allsbert í New York. Ég vil senda henni fjórfallt húrra og flöskuskeyti yfir heimsins höf, ásamt einum blautum kossi. Til hamingju með afmælið gamla mín!!

---

Úff mér er illt í maganum og ætla að fara og fá mér smá lúr...

OG HEY ÞIÐ ÓGEÐSLEGA TÖFF FÓLK SEM ERUÐ AÐ HEIMSÆKJA SÍÐUNA MÍNA GETIÐI VINSAMLEGAST SKRIFAÐ COMMENT KANNSKI EINU SINNI HALLÓ ANNARS FER ÉG A TAUGUM

takk

ps.
það kom ógeðslega sætur gaur í lopapeysu í heimsókn til okkar Tullu í gær að spyrja hvort við ættum bílana sem hefði verið lagt ólöglega eða eitthvað og Tulla bara "neeeii...Guðrún?" og ég kom því ég heiti Guðrún, og söngur ómaði í hjarta mínu og englunum bókstaflega rigndi niður á mig þegar hann brosti og þuldi upp undursamleg..bílnúmerin. Slefandi krílið á mjöðminni á mér gerði mig bersýnilega mjöög skjótt að ungri, þroskaðri, sjálfstæðri og duglegri húsmóður, sem væri þó orðin svolítið þreytt á hversdagsleikanum og vantaði upplyftingu í líf sitt, þó ekki nema í formi...ástar?

Mannrán

..hljómar eins og náraanammi aftur á bak. Sem er viðbjóður...

Ég rændi manneskju í gær.
Henti henni inní bíl og neyddi hana til að hafa bæði augu og eyru lokuð fyrir öllu utanaðkomandi áreiti. Brunaði með hana bæjarfélagi, úr bæjarfélagi. Endastöðin: bílaplan menntaskóla. Mjög góður staður. Afskekktur staður í afskekktu sveitarfélagi.
Ég tók hana út úr bílnum, hélt um hendur hennar...

og leyddi hana að poppvélinni!!! ÓJÁ fyrsta mannránið mitt heppnaðist FULLKOMLEGA. Bílabíó er eitthvað sem við klakabúar erum ekki vanir, og því var þetta ótrúúleg upplifun sem hafði í för með sér mjög mikið "sing-a-long" (enda verið að sýna GREASE HALLÓ), popp og candyflos um allan bíl.

svo var þetta auðvitað ótrúlega rómantískt og fallegt allt saman.

---

sex dagar í sveitina og ég er að fara á taugum úr spenningi!!

Labadæ

Váááá langur dagur með aðeins of mikilli sól!

Fór að sjá Labadæ (eða Latabæ..)...tvisvar...sem var ótrúúlega gaman. Íþróttaálfurinn mismælti sig...í bæði skiptin...og talaði um að "bansa dallet" sem ég veit ekki alveg hvað er, en hann meint víst "dansa ballet"

mjög töff

við fórum heim..og þá kom jarðskjálfti

ég gubbaði næstum

og núna er ég að fara að pissa
bless

Breytt plan

ekkert baquette og hjólreiðar í janúar
nema þá bara á klakanum

Frakklandsförinni hefur sem sagt formlega verið frestað til næsta sumars...og enn á ný veit ég ekkert hvað ég á að gera við mig þangað til. Mig langar samt að flytja í burtu frá öllu í smá stund, held það væri ágætt...

Ég sá um eldhúsið í dag í vinnunni. Það var fyndið...ég...í eldhúsi...ekki góð blanda.

Það eru bara 9 dagar í ferðalagið mikla í BÍL skólann! Úff, við Elva ætlum að gera heimildarmyndina "Í bíl í BÍL" og græða milljónir...milljarða...

En nú er ég að taka til, þreytt og pirruð á því að vita ekkert hvað ég á að gera við líf mitt næstu tvö árin eða svo...þannig ég ætla að halda áfram að drekkja mér í sorgum mínum og svo kannski ryksuga til að toppa það, en ryksugun er u.þ.b. það leiðinlegasta sem ég geri.

Danke bitte

Afleiðing hjólreiða

eru harðsperrur, sinadrættir og svefnleysi

ég svaf ekki í NEITT í nótt
með sinadrætti í báðum lærum í fimm og hálfan tíma...
og svo harðsperrur og marblettir

og ég sem var svo þreytt og ómöguleg að ég fór að "sofa" klukkan hálf níu

"vaknaði" svo þreytt og pirruð klukkan átta og hjólaði á helvítis hjólinu í vinnuna

dáááásamlegt

en heyhó! 10 DAGAR Í SKÓLANN!!!!

Taugaáfall

ég fékk taugaáfall í dag
hef aldrei upplifað það áður

er ennþá með verk í hjartanu og öll óróleg og hrædd innan í mér
en það er samt allt í lagi með alla

Sönnun á fáránleika menntakerfisins

ég hefði átt að fá fálkaorðuna fyrir lélega mætingu og tossaskap yfir höfuð
var í 23 einingum
og fullt af 503 áföngum
skilaði ekki einu einasta verkefni alla önnina, ekki í neinu einasta fagi
nema síðustu tvo dagana eftir að skólaslit urðu...þá vann ég allt upp
og við erum að tala um að ég mundi ekki einu sinni í hvaða áföngum ég væri, mætingin mín var svo léleg að ég vissi ekki nafnið á nema einum kennara

ég keypti ekki eina einustu bók
og las bara tvær bækur
af öllum þeim bókum sem ég átti að lesa
lærði meira að segja ekki undir öll prófin

s.s
TOSSI

og við erum að tala um að ég var að fá einkunnirnar áðan
og halló góðan daginn ÞETTA ERU BESTU EINKUNNIR SÍÐAN Á FYRSTU ÖNNINNI MINNI!!! Og þá var

bara 7ur og 8ur

váááááá tossar heimsins sameinist og sigrum heiminn

Hvers á ég að gjalda?

ekki nóg með að ég sé að vinna á leikskóla,
umgangist litla guttann hennar Tullu vikulega
og dreymi óléttudrauma aðra hverja nótt...



heldur er ég farin að heimsækja kvennadeildina aðeins of oft uppá síðkastið og við erum alveg að tala um fæðingadeildina



síðast bara í gær gekk ég þar inn og alveg óvart, í raun bara ósjálfrátt, fór ég að belgja út á mér magann og labba um eins og önd, halda undir bumbuna og brosa "ég er að verða mamma" brosinu mínu...



snökt

grimmd heimsins er stundum óbærileg

Labb

labb labb

en bráðum
hjól hjól hjól

ójááá minn langþráði draumur er loksins að rætast

ÉG MUN EIGNAST HJÓÓÓL
(vonandi)

ÁKVÖRÐUN TEKIN

ég mun leggja land undir fót í janúar
til Frakklands
í trúðaskóla
með Hrefnu

það verður MEEEEEEEGA

Paris, je t'aime....

Tilgangur?

dagurinn í dag er fyrsti dagurinn á þessu ári þar sem ég hef engum skyldum að gegna
án djóks

fyrsti dagurinn þar sem ég þarf ekki að mæta neitt, hitta neinn eða gera nokkuð yfir höfuð

ótrúlegt
ég veit bara ekki baun hvað ég á að gera við mig

Ég var einu sinni nörd...

...og nú aftur!



Ójá þrátt fyrir 6 og hálft ár í tannréttingum getur leti og hræðsla við að verða ótöff og lúðaleg valdið því að maður þarf að fara aftur í stólinn

og það var það sem gerðist í dag



afleiðingarnar: sólarhringsnotkun á nýjum gómi



úff...og ég sem hélt að ég þyrfti aldrei aftur að ganga þarna inn

og hvað þá út með nýtt stál í kjaftinum



en JIBBÍ KÓLA ÞAÐ ER SÓL og á morgun er síðasta prófiiiiiiið



heimspeki sökkar, eða réttara sagt...heimspekiprófið sökkaði....eða bara ég, já ég sökkaði

en jarðfræðin gekk mega



svo...partý on og skál í stál!

ég keypti blóm handa mömmu

Að velja og hafna

ég valdi slefandi smábarn fram yfir viðbjóðslegan próflestur

ég valdi rétt

og fékk tvær kökur og fullt af hori í kaupbæti

en núna taka leiðindin hinsvegar við

ég íhugaði meira að segja að hoppa út um gluggann þegar ég kom heim
og gerði það!

en hann er á fyrstu hæð svo ég hafði voðalega lítið uppúr því annað en kulda og kjánaskap yfir því að nágrannarnir hefðu séð mig (sem eru ÖFGAtöff)

og já nú verð ég líka að búa til nýja síðu, alvöru síðu um mig fyrir alla aðdáendur mína

svo ég ætla að gera það núna og hætta við þ á ömurlegu hugmynd að fara að læra
oj til hvers

Sviti

helst langar mig til að gubba yfir sjálfa mig
bæði vegna þess að það virðist mun meira áhugavert en ömurlegur próflesturinn
og hæfir mér mjög vel í því ástandi sem ég er í akkúrat núna,
sveitt og subbuleg.

ég nenni ekki að læraaaaaa

ísl503 lokapróf í fyrramálið

tíminn og vatnið er nýjasta æðið hjá mér. ég fæ ekki nóg af þér Steinn. allavega ekki í því ljóði...
--

þaðvantarþrjátíublaðsíðuríbókinamínaogégvaraðfattaþaðnúna

Elektra

...er komin í hús!!!

Svört, seiðandi og drungaleg eins og sálin sjálf.

Að sjálfsögðu erum við að tala um grip gripanna, rafmagnsfiðluna sem ég fékk senda yfir heimsins höf í þeim tilgangi að þjóna óbæranlegri löngun minni til þess að "rokka feitt"

Bíddu við, bíddu viiiið...

Bandalagsþingið búið og það kom mér á óvart hversu skemmtilegt það var. Frábært í alla staði og ekkert sem hægt er að setja út á. Nema...

á föstudeginum þegar við vorum að keyra í Skagafjörðinn varð ég veikari og veikari
og versnaði á laugardeginum
og í dag var svo versti dagurinn

hiti, hósti og óráð
ég sem hélt ég væri búin með þennan pakka...

Skóli hvað?

Fjúffff

tuttugu og sex einingar
fimm mánuðir
þúsund verkefni

allt saman tæklað á fjóóórum dögum
og við erum að tala um ALLT

ekki einu einasta verkefni í einu einasta fagi skilað fyrr en núna á síðustu fjórum dögum

og það kom ekki eitt dæs!

kannski nokkur helvítis andskotans fokkings drasl
en annars ekkert

List eða lyst?

Það sem er ekki til í heiminum...

ekki nóg með það að fóstur og formalín fylli ganga menntaskólanna núna og samnemendur mínir lýsi krufningu svína og rottna fyrir mér í tíma og ótíma...

þetta hér telst víst eðlilegt líka:

já þetta er það sem ykkur sýnist...lík sem búið er að húðfletta og hengja upp á listasýningu sem gengur aðeins út á þetta, lík í öllum mögulegum stellingum og pósum, í skinni og án þess...þessi er alveg einstaklega smekklegur svona með húðina sína á höndinni.

Úje hér sjáum við hina fræknu barnsmóður sem búið er að húðfletta og skera upp svo fóstrið sést gægjast út um mallakútinn.

Fyrir utan viðbjóðinn og undrun mína á því að þetta sé víst ein eftirsóttasta sýning í heimi..þá skil ég ekki alveg hvar þau fá allt þetta fólk til að drepa og húðfletta og stilla upp...

ein eins og ein stúdínan sagði við mig í dag, sem var einmitt nýkomin úr krufningu á svínshjarta sem henni fannst "geðveikt"...: Nú, þetta er ótrúlega fræg og flott sýning, ég myndi alveg leyfa þeim að gera þetta við mig...

WHAT!???

hvað varð um saklaus málverk og styttur?

Ritgerðir= andlegur dauði

það er löng nótt framundan
stofuljósið blikkar og eymdin hellist yfir mig

kaffikaffikaffi
koma krafti í kroppinn

lyklaborð
tvö stjörf augu

Lopi

ég get ekki beðið eftir að komast útúr bænum í smá stund
burt frá öllum látunum...

fékk nýtt viðurnefni í dag; Sóley Sara, og fór í hvalaleik með pulsubrauðum. Það var dásamlegt.

Þrír dagar eftir af önninni og ég sekk dýpra og dýpra í svaðið...

Drungi

Allt í einu eru fjórir dagar eftir af önninni
og ég er beisikklí ekki búin að gera neitt sem ég á að vera búin að gera
ekki eitt
26 einingar
22222226 verkefni sem á eftir að skila

eins dauði er annars brauð
velkomnir fyrirmyndar nemendur, þið megið hirða plássið mitt

Sjúbbídei gleði gleði það er dásamlegt að vera ungur, fátækur, tímalaus námsmaður
að komast upp með endalaus sorry, plís og hvíta lygi er engu líkt
engu líkt
26 einingar
22222226 verkefni sem á eftir að skila

eins dauði er annars brauð
velkomnir fyrirmyndar nemendur, þið megið hirða plássið mitt
ég er farin út að fagna!

Stofnun samtakanna

Stofun samtakanna ,,Sú rauðhærða og Risinn" fóru fram í dag við mikinn fögnuð áhorfenda.

Meðlimir samtakanna eru:
Hrefna Lárusdóttir
aka
Sú rauðhærða

Guðrún Sóley Sigurðardóttir
aka
Risinn

Þær eiga það sameiginlegt að hafa "næstum meikað það", en í raun er það aðeins dulbúningur því frægð þeirra og frami er á næsta leiti.

Fyrsti fundur nýrrar stjórnar samtakanna fer fram á miðvikudagskvöld við mjólkuþamb mikið og ákaft.

Blómar og kransar vinsamlegast afþakkaðir en peningar væru vel þegnir í hvaða mynt sem er.

Afmælisbarn

Hún á afmæli í dag
hún á afmæli í dag
hún á afmæli hún Guðrún Sóóóleeeyyy
hún á afmæli í dag!

---

þessi söngur hefur verið sunginn fjórum sinnum fyrir mig í dag! Ójá við erum að tala um fjórar afmælisveislur og allar óvæntar, toppiði það!

frábær dagur í alla staði, þó svo að ég hafi verið á spani frá því klukkan átta í morgun og hafi verið að koma heim núna...æfingar, æfingar, tónleikar, sýning....og fullt af kökum, kertum og söngvum!

ahhh hvað ég er södd og sæl

Barnið...

er að hafa of mikil áhrif á mig
draumarnir mínir eru farnir að hafa of mikil áhrif á mig
allt útaf blessuðu barninu

kíkið á sýningu sem allra allra fyrst

123.is/lh
leikfelagid@simnet.is

do it

og já inntökuprófadótið gekk fínt
og ekki orð um það meir fyrr en eftir mánudaginn



----
og þessu var viðbætt klukkan 01.31 að staðartíma:

ég gerði svolítið núna sem ég hef aldrei gert áður
það er mjög fyndin tilhugsun
þetta tengist fjarsamskiptum og samböndum
en er allt gott og blessað og ekki orð um það meir

Á morgun...

Frumsýning gekk MEGA
Önnur sýning gekk MEGA

og þið sem ekki eruð búin að koma og sjá...PANTIÐ MIÐA!

-- www.123.is/lh og leikfelagid@simnet.is

frægðin bankaði uppá á fimmtudag
og svo aftur á föstudag
það er alveg pínu fyndið

á morgun er stóri dagurinn
samt ekki sá stærsti
sá stærsti er klárlega á föstudaginn

ég er að fá taugaáfall og ekki búin að borða neitt nema tvær skálar af serjósi síðustu tvo daga
það gæti verið ástæðan fyrir hausverknum

sendið mér góða strauma og mætið svo á sýningu folks

Barnið hjá Leikfélagi Hafnarfjarðar

Leikfélag Hafnarfjarðar frumsýnir nú um helgina leikverkið Barnið eftir Edward Albee. Verkið er skrifað í anda absúrd verka fimmta áratugarins, verka Ionesco og Beckett en þó með sterkriilvísun til stöðu mannsins í nútímanum. Verkið fjallar um stúlkuna og strákinn sem eignast barn og njóta lífsins í fullkomnu sakleysi og án truflana frá hinum ytri heimi. Þegar maðurinn og konan koma inn í líf þeirra breytist allt og spurningarnar um kvölina og völina verða áleitnar. Í verkinu takast á launfyndnar uppákomur og grátleg atvik. Og hvað varð um barnið?

Verkið er þýtt af Guðrúnu Sóleyju Sigurðardóttur og er í leikstjórn Lárusar Vilhjálmssonar. Lýsing er í höndum Ingvars Bjarnasonar.
Leikarar í verkinu eru fjórir: Guðrún Sóley Sigurðardóttir, Kristín Svanhildur Helgadóttir, Tryggvi Rafnsson og Víðir Örn Jóakimsson.

Sýningar verða sem hér segir:
Laugardagur 12. apríl FRUMSÝNING
Sunnudagur 13. apríl 2. sýning
Föstudagur 18. apríl 3. sýning (frísýning fyrir bæjarbúa)
Laugardagur 19. apríl 4. sýning
Sunnudagur 20. apríl 5. sýning
S
unnudagur 4. maí 6. sýning
Föstudagur 9. maí 7. sýning
Laugardagur 10. maí 8. sýning
Sunnudagur 11. maí 9. sýning
Laugardagur 17. maí LOKASÝNING

Allar sýningar hefjast klukkan 20.00. Miðaverð er krónur 1500 og hægt er að panta miða í síma 848-0475 og á netfanginu leikfelagid@simnet.is.
Húsakynni félagsins eru í Gamla Lækjarskóla í Hafnarfirði.

Úlalalalla...

Fruuuuumsýning á laugardag og spennan farin að magnast!

Það er eiginlega beisikklí það sem ég hef að segja
og já
eg held uppá þriggja vikna afmæli flensunnar í dag og er ekkert betri
sem er dásamlegt
og já
litla systir á afmæli í dag sem þýðir að það eru aðeins 12 dagar uns ég verð ellilífeyrisþegi og get sótt um á Grund
mér sýnist á öllu að það sé eina lausnin...

íbúðin mín minnkaði um helming eftir að ég málaði "stóra" vegginn dimmrauðan
hún er samt mjög töff
eins og allt annað í minni eigu

ég var að fá tilboð í gegnum síma
tilboð já tilboð
mmmm
og nú ætla ég að fara og fá mér að borða með fjölskyldunni í fyrsta skipti í mjööög langan tíma þar sem ég er alltaf víðsfjarri á þessari mikilvægustu stundu fjölskyldunnar
eða þið vitið....

amen
og hey
komiði á sýningu!

www.123.is/lh

I play with my balls...

Okei er ég svona óþroskuð eða hvað? Mér finnst þetta ÓGEÐSLEGA fyndið, sérstaklega gaurinn í regnbogapeysunni hahaha þið verðið að horfa á þetta;

http://www.youtube.com/watch?v=MXyn_bndTkw

Brabra

Ég fór að gefa öndunum áðan með Elvu og Jóel Mána.
Eða..."brabra" eins og Jóel segir með Texas hreimnum sínum.

Gæsirnar voru ansi kræfar og voru næstum búnar að drepa mig nokkrum sinnum. En ég slapp...
Fullt af dásamlegum gæsakúk undir skónum mínum sem gerir daginn jafnvel enn betri.

Frumsýning á næsta leiti og eintóm hamingja.

Er að fara að bóka eitt stykki flugsæti til Nú Jok á morgun í tilefni af því að ég var að gera þvílíka uppgötvun...það er til eitthvað sem heitir orlof!!! Og orlof er í raun bara ókeypis peningar!

Sjibbídúúú

Skil ekki hvað fólk er að væla um kreppu og krónur
ég hef sjaldan eða aldrei verið jafn hamingjusöm með þá örfáu tíkalla sem ég finn á víð og dreif um bílinn minn

ps.
Drós er í afar miklum tilfinningasveiflum þessa dagana svo ekki vænta fleiri orða hér fyrr en um síðir

ps2.
sem mér finnst alltaf jafn fyndið...þ.e. ps2...en allavega...Drós er tölva, ekki manneskja...

ok bæ

Plaaaaaan flan

Ég er með Pétur Pan sindromið
eftir innan við mánuð verð ég orðin eldgömul jussa með grátt í vöngum
já...jussa.

Ég er komin á fætur og hef sjaldan verið sprækari!
...nei það er lygi, er mjög slöpp ennþá en er samt farin að sinna öllum mínum skildum eins og skóla, vinnu, tónlist og leiklist af fullum krafti

Ég er líka komin með plan fyrir sumarið
hið fullkomna plan!

Það hljómar nokkurn veginn svona;

Vinna beint eftir lokapróf
Sumarskóli x26 einingar
BÍL!!
Vinna meira
Vonandi útlandaferð tengd tónlistinni
Vinna meira
New York með Davíð að heimsækja Kristínu!!
Vinna meira

Partý ooon!

Og á meðan á öllu þessu stendur ætla ég að skrifa að minnsta kosti eitt leikrit í fullri lengd og eina skáldsögu í fullri lengd auk þess sem Fjöllistahópurinn Sveipur ætlar að láta til skara skríða og vera með tvær sýningar í mánuði.

Vúbbídúú

Geisp

Ég hef aldrei verið jafn þreytt og ég er akkúrat núna
og samt á ég eftir að gera fullt áður en ég fer að sofa
og morgundagurinn er pakkaður frá 10-24
og já...tólfti dagur flensunnar að líða undir lok og þrettándi tekur við
stuð stuð stuð




fuuuuuuuuck

Læknirinn

Dúkkan hennar Stínu var með sótt sótt sótt
hún hringdi og sagði lækni að koma fljótt fljótt fljótt
----

Nema hvað, ég er dúkkan og móðir mín er Stína. Læknirinn kom ekki heldur fór ég til hans.

----

Niðurstaða í máli GS megafresh er sá að...

-hún er ekki með lungnabólgu
-hún er ekki með strektókokka

----

Læknirinn hristi bara hausinn og gapti þegar ég sagði honum að ég hefði verið nákvæmlega svona fyrir tíu dögum síðan og ekkert hafi breyst. Það skilur enginn neitt í neinu, ég var send heim með fullt af dópi og á að rota mig fram yfir helgi. Eeeen auðvitað hef ég engan tíma fyrir slíkt kjaftæði sem snýr að sjálfri mér og verð því á þeytingi út um allan bæ eins og venjulega.

Kannski æxlið sem ég var með á hnénu sem sprakk þegar ég var átta ára á hjólaskautum, leyfarnar skornar í burtu og sullið sent á tilraunastofu þar sem það jú týndist...hafi virikilega tengst geimverum eins og ég hélt í den tíð og nú sé hreinlega komið að þessu öllu saman?

Það er kannski ástæðan fyrir gríðarlegu hárlosi og lömun bragðkirtlanna? Og svo er jú þessi græna slykja yfir mér allri og ég segi í sífellu; We come in peace

...hvað sem það nú þýðir

Sýra

Bragðskynið féll fyrir páskaegginu svo úr varð lystarleysi og listarleysi.


Mér finnst eins og ég borði eintóman pappa...pappír...bréf...fer eftir áferðinni.


Nú skil ég loks hvernig Pappírs-Pésa leið.





Fyrigefðu Pési...ég vissi þetta ekki þá. En óður minn til þín lifir enn eins og döggin...

Til Pésa
Frá með þig

Sýra
Kóksýra
ég geng í hlýra hlýra hlýra
boool

ég sagði booooooool

komdu með kol
þú ert svo heitur
með allar þessar geitur
og hænsnaflokk
ég fíla rokk
og nál og tvinna
gott er að spinna
á sig brók,
taka á sig krók
til að heimsækja fólk
kleinur og mjólk
fá sér sér svo kók
fara úr brók
pissa
ertu mig að dissa
ég geng í hlýra hlýra hlýra
bol

ég sagði boooooooooool

--------------------

Platan er komin, platan er komin, platan er komin og allir í sleik.

---------------------

Afsakið hlé.

---------------------
Ég er búin að vera með fjörutíu stiga hita í tíu daga svo takið ekki mark á mér. Ég biðst fyrirgefningar á ruglinu í mér.
---------------------
Þú vanþakkláta DRÓS